Allu Arjun: ಬಾಕ್ಸಾಫೀಸ್ ಗಳಿಕೆಯಲ್ಲಿ ದಾಖಲೆ ಬರೆದ‌ ʼಪುಷ್ಪ-2ʼ

ಪುಷ್ಪ 2 ಪ್ರೇಕ್ಷಕರ ನಿರೀಕ್ಷೆ ಹುಸಿಯಾಗಿಸದೇ ಮನರಂಜನೆ ನೀಡುವಲ್ಲಿ ಸಫ‌ಲವಾಗಿದೆ. ಜೊತೆಗೆ ಬಾಕ್ಸ್‌ ಆಫೀಸ್‌ ಗಳಿಕೆಯಲ್ಲೂ ಕೋಟಿಗಟ್ಟಲೇ ಹಣ ಸಂಪಾದಿಸುವ ಮೂಲಕ ಬಾಹುಬಲಿ 2 ಸಿನಿಮಾದ ದಾಖಲೆಯನ್ನು ಹಿಂದಿಕ್ಕಿದೆ.

ಚಿತ್ರ ಬಿಡುಗಡೆಗೊಂಡ ಮೊದಲ ದಿನವೇ ದೇಶಾದ್ಯಂತ 175.1 ಕೋಟಿ ರೂ. ಗಳಿಸಿಕೊಂಡಿತ್ತು. ಭಾರತದ ಎಲ್ಲ ರಾಜ್ಯ ಹಾಗೂ ವಿದೇಶಗಳಿಂದ ಗಳಿಸಿದ ಒಟ್ಟು ಮೊತ್ತ 257 ಕೋಟಿ ರೂಪಾಯಿ. ಇದಕ್ಕಿಂತ ಮೊದಲು ಬಾಹು ಬಲಿ-2 ಚಿತ್ರ 201 ಕೋಟಿ ರೂ. ಗಳಿಸಿ ದಾಖಲೆ ಸೃಷ್ಟಿಸಿತ್ತು. ಈಗ ಆ ದಾಖಲೆ ಪುಷ್ಪ 2 ಮುಡಿಗೇರಿದೆ. ಜೊತೆಗೆ ಚಿತ್ರದ ಹಿಂದಿ ಅವತರಣಿಕೆ ಮೊದಲ ದಿನದ ಗಳಿಕೆ ಮೂಲಕ ಶಾರುಕ್‌ ಖಾನ್‌ ಅವರ ಜವಾನ್‌ ಚಿತ್ರವನ್ನೂ ಹಿಂದಿಕ್ಕಿದೆ.

ಚಿತ್ರದ ಮುಂಗಡ ಬುಕ್ಕಿಂಗ್‌ ಕೂಡ ಬಾಕ್ಸ್‌ ಆಫೀಸ್‌ ಗಳಿಕೆಗೆ ದೊಡ್ಡ ಮಟ್ಟದಲ್ಲೇ ಕೊಡುಗೆ ನೀಡಿದೆ. ಅಮೆರಿಕ, ಕೆನಡಾ, ಆಸ್ಟ್ರೇಲಿಯಾ, ಯುಕೆ, ಜರ್ಮನಿ, ಯುರೋಪ್‌ ದೇಶಗಳಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿದೆ. ವಿಶ್ವಾದ್ಯಂತ 12 ಸಾವಿರ ಸ್ಕ್ರೀನ್‌ಗಳಲ್ಲಿ ಬಿಡುಗಡೆಯಾಗಿದೆ.