ಸ್ವದೇಶಿ ತರಬೇತುದಾರರ ಅಗತ್ಯವಿದೆ: ಸಿಂಧು

ಹೊಸದಿಲ್ಲಿ: ಕೋವಿಡ್-19 ಕಾರಣದಿಂದ ಮುಂದಿನ ಕೆಲವು ವರ್ಷಗಳ ಕಾಲ ಭಾರತೀಯ ಬ್ಯಾಡ್ಮಿಂಟನ್‌ಗೆ ವಿದೇಶಿ ತರಬೇತುದಾರರು ಲಭಿಸುವುದು ಕಷ್ಟವಿದೆ, ಹೀಗಾಗಿ ಈ ಸ್ಥಾನವನ್ನು ನಮ್ಮ ದೇಶದವರೇ ತುಂಬಬೇಕಾದ ಅಗತ್ಯವಿದೆ ಎಂದು ವಿಶ್ವ ಚಾಂಪಿಯನ್‌ ಶಟ್ಲರ್‌ ಪಿ.ವಿ. ಸಿಂಧು ಅಭಿಪ್ರಾಯಪಟ್ಟಿದ್ದಾರೆ.

“ಕೋವಿಡ್-19 ಜಾಗತಿಕ ಸಮಸ್ಯೆಯಾಗಿದೆ. ಇದರಿಂದ ವಿದೇಶದಿಂದ ತರಬೇತುದಾರರನ್ನು ಪಡೆಯುವುದು ಕಷ್ಟವಾಗಲಿದೆ. ನಮ್ಮಲ್ಲೇ ಕೋಚಿಂಗ್‌ ಸಾಮರ್ಥ್ಯವುಳ್ಳ ಅದೆಷ್ಟೋ ಮಾಜಿ ಆಟಗಾರರಿದ್ದಾರೆ. ಇವರನ್ನೇ ನಾವು ತರಬೇತು ದಾರರನ್ನಾಗಿ ಉಪಯೋಗಿಸಬೇಕಾಗಿದೆ’ ಎಂದು ಸಿಂಧು ಹೇಳಿದರು.