ಡೋಕ್‌ಲಾಂ ಗಡಿ ಉದ್ವಿಗ್ನತೆ: ಭಾರತ ಪ್ರವಾಸ ಸುರಕ್ಷಾ ಸಲಹೆ ನೀಡಿದ ಚೀನ

ಹೊಸದಿಲ್ಲಿ : ಡೋಕ್‌ಲಾಂ ನಲ್ಲಿ ಭಾರತ – ಚೀನಾ ಸೇನಾ ಮುಖಾಮುಖೀಯಿಂದ ಉದ್ಭವಿಸಿರುವ ಗಡಿ ಉದ್ವಿಗ್ನತೆಯ ಹಿನ್ನೆಲೆಯಲ್ಲಿ  ಬೀಜಿಂಗ್‌, ಭಾರತಕ್ಕೆ ಪ್ರವಾಸ ಹೋಗುವ ಮತ್ತು ಭಾರತದಲ್ಲಿ ವಾಸಿಸಿಕೊಂಡಿರುವ ಚೀನಿಯರಿಗೆ ಸುರಕ್ಷಾ ಸಲಹೆಗಳನ್ನು ಜಾರಿ ಮಾಡಿದೆ. 

ನಿಮ್ಮ ಸುರಕ್ಷೆಯತ್ತ ಗಮನಕೊಡಿ; ಅನಗತ್ಯ ಪ್ರಯಾಣ ಕೈಗೊಳ್ಳಬೇಡಿ ಎಂದು ಭಾರತದಲ್ಲಿನ ಚೀನ ದೂತಾವಾಸ, ಭಾರತಕ್ಕೆ ಪ್ರವಾಸ ಬರುವ ಮತ್ತು ಭಾರತದಲ್ಲಿ ವಾಸವಾಗಿರುವ ಚೀನೀಯರಿಗೆ ಸಲಹಾ ಸೂಚನೆ ನೀಡಿರುವುದಾಗಿ ಚೀನ ಸರಕಾರಿ ಒಡೆತನದ ಐಎಎನ್‌ಎಸ್‌ ವರದಿ ಮಾಡಿದೆ. 

ಕಳೆದ ಮೂರು ವಾರಗಳಿಂದ ಭಾರತ ಮತ್ತು ಚೀನ ಸೇನೆ “ಭೂತಾನ್‌ ಟ್ರೈ ಜಂಕ್ಷನ್‌’ ಸಮೀಪದ ಡೋಕ್‌ಲಾಂ ಪ್ರದೇಶದಲ್ಲಿ ಗಡಿ ವಿವಾದದ ಕಾರಣ ಮುಖಾಮುಖೀಯಾಗಿವೆ. 

1962ರ ಭಾರತ-ಚೀನ ಯುದ್ಧದ ಬಳಿಕ ನಡೆದಿರುವ, ಉಭಯ ದೇಶಗಳ ಸೇನೆಯ ಸುದೀರ್ಘ‌ ಮುಖಾಮುಖೀ ಇದಾಗಿದೆ.