ವಂಡರ್‌ ಲಾ ಹಾಲಿಡೇಸ್‌ನಿಂದ ಸರ್ಕಾರಿ ಶಾಲಾ ಮಕ್ಕಳಿಗೆ ಶೈಕ್ಷಣಿಕ ಸಾಮಗ್ರಿ ವಿತರಣೆ

ಬೆಂಗಳೂರು: ವಂಡರ್‌ ಲಾ ಹಾಲಿಡೇಸ್‌ ಸಂಸ್ಥೆಯ ಸಾಮಾಜಿಕ ಜವಾಬ್ದಾರಿ ನಿಧಿಯ(ಸಿಎಸ್‌ಆರ್‌) ಅಡಿಯಲ್ಲಿ ಬನ್ನಿಕುಪ್ಪೆ ಮತ್ತು ಮಂಚನಾಯಕನ ಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಸುಮಾರು 700 ಶಾಲಾ ಮಕ್ಕಳಿಗೆ ಅನುಕೂಲವಾಗುವಂತೆ 21 ಸರ್ಕಾರಿ ಶಾಲೆಗಳಿಗೆ ಶೈಕ್ಷಣಿಕ ಸಾಮಗ್ರಿಗಳನ್ನು ವಿತರಿಸಲಾಯಿತು.

ಸ್ಕೂಲ್‌ ಬ್ಯಾಗ್‌, ಪುಸ್ತಕಗಳು, ಜ್ಯಾಮಿಟ್ರಿ ಬಾಕ್ಸ್‌, ಡ್ರಾಯಿಂಗ್‌ ಪುಸ್ತಕ, ಸ್ಕೆಚ್‌ ಪೆನ್‌ ಮತ್ತು ಬಣ್ಣದ ಪೆನ್ಸಿಲ್‌ಗ‌ಳನ್ನು ಒಳಗೊಂಡಿರುವ ಕಲಿಕೆಯ ಸಾಮಗ್ರಿಗಳನ್ನು ಮಕ್ಕಳಿಗೆ ವಿತರಿಸಲಾಯಿತು. ಜತೆಗೆ ಎಸ್ಸೆಸ್ಸೆಲ್ಸಿ ತರಗತಿಯಲ್ಲಿ ಅತಿ ಹೆಚ್ಚು ಅಂಕಗಳಿಸಿದ ಹತ್ತು ವಿದ್ಯಾರ್ಥಿಗಳಿಗೆ ತಲಾ 5 ಸಾವಿರ ರೂ. ಪ್ರೋತ್ಸಾಹಧನ ನೀಡಿ ಪುರಸ್ಕರಿಸಲಾಯಿತು.

ವಂಡರ್‌ ಲಾ ಹಾಲಿಡೇಸ್‌ ಸಂಸ್ಥೆಯ ಪಾರ್ಕ್‌ ಮುಖ್ಯಸ್ಥ ಎಂ.ಬಿ. ಮಹೇಶ್‌, ರಾಮನಗರ ತಾಲೂಕು ಪಂಚಾಯತಿ ಅಧ್ಯಕ್ಷ ಗಾಣಕಲ್‌ ನಟರಾಜ್‌ ಅವರು ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹಧನ ಹಾಗೂ ಕಲಿಕೆಯ ಸಾಮಗ್ರಿಗಳನ್ನು ನೀಡಲಾಯಿತು.

ವಂಡರ್‌ ಲಾ ಹಾಲಿಡೇಸ್‌ ಸಂಸ್ಥೆಯ ಸಿಎಫ್ಒ ಸತೀಶ್‌ ಶೇಷಾದ್ರಿ, ಸಲಹೆಗಾರರಾದ ವಿ.ರಾಜಗೋಪಾಲನ್‌, ಬನ್ನಿಕುಪ್ಪೆ ಪಂಚಾಯಿತಿ ಸದಸ್ಯರಾದ ಕನ್ನಡ ಮಂಜು, ಸತೀಶ್‌, ಶಾಲೆಯ ಮತ್ತು ವಂಡರ್‌ ಲಾ ಸಿಬ್ಬಂದಿ ವರ್ಗ ಉಪಸ್ಥಿತರಿದ್ದರು.