ಮುಂಬಯಿ: ಬಿಗ್ ಬಾಸ್ ಓಟಿಟಿ-2 ಕಾರ್ಯಕ್ರಮ ದಿನಕಳೆದಂತೆ ರಂಗೇರುತ್ತಿದೆ. ಒಂದಷ್ಟು ಸ್ಪರ್ಧಿಗಳ ನಡವಳಿಕೆ, ಮಾತುಗಳಿಂದ ಕಾರ್ಯಕ್ರಮದ ಆಸಲಿ ಆಟ ಶುರುವಾಗಿದೆ. ಕಾರ್ಯಕ್ರಮದಲ್ಲಿ ಮುಖ್ಯವಾಗಿ ಕೆಲ ಸ್ಪರ್ಧಿಗಳು ಗಮನ ಸೆಳೆಯುತ್ತಿದ್ದಾರೆ.
ಸಲ್ಮಾನ್ ಖಾನ್‌ ನಿರೂಪಣೆ ಮಾಡುತ್ತಿರುವ ಬಿಗ್ ಬಾಸ್ ಓಟಿಟಿ-2 ಕಾರ್ಯಕ್ರಮದ ಆರಂಭದಲ್ಲಿ ಪ್ಯಾನೆಲಿಸ್ಟ್‌ ಆಗಿ ವೇದಿಕೆ ಮೇಲೆ ಕೂತಿದ್ದ ಪೂಜಾ ಭಟ್ ಸ್ಪರ್ಧಿಯಾಗಿ ಮನೆಯೊಳಗೆ ಎಂಟ್ರಿ ಪಡೆದದ್ದು ಎಲ್ಲರಿಗೂ ಶಾಕ್‌ ಆಗಿತ್ತು. ಅದಕ್ಕೆ ಕಾರಣ ಪೂಜಾ ಭಟ್ ಅವರ ಕೆಲ ವಿವಾದಗಳು ಎನ್ನುವುದು.
ಹಾಟ್‌ & ಬೋಲ್ಡ್‌ ನಟಿಯಾಗಿ ಮಿಂಚಿದ ಪೂಜಾ ಭಟ್: 80 ರ ದಶಕದಲ್ಲಿ ಬಾಲಿವುಡ್‌ ನಲ್ಲಿ ಬಿಕಿನಿ ಧರಿಸಿ ಹಾಟ್‌ & ಬೋಲ್ಡ್‌ ಲುಕ್‌ ನಲ್ಲಿ ಪಡ್ಡೆ ಹುಡುಗರ ಗಮನ ಸೆಳೆದ ನಿರ್ದೇಶಕ ಮಹೇಶ್ ಭಟ್ ಅವರ ಪುತ್ರಿ ಪೂಜಾ ಭಟ್ ಅವರಿಗೆ 1989 ರಲ್ಲಿ ಬಂದ ‘ಡ್ಯಾಡಿ’ 1991 ರಲ್ಲಿ ಬಂದ ‘ದಿಲ್ ಹೈ ಕಿ ಮಾಂತಾ ನಹೀನ್’ ಮತ್ತು ‘ಸಡಕ್’ ಸಿನಿಮಾಗಳ ದೊಡ್ಡ ಯಶಸ್ಸನ್ನು ತಂದುಕೊಟ್ಟಿತು. ಈ ಎರಡೂ ಸಿನಿಮಾಗಳನ್ನು ಅವರ ತಂದೆಯೇ ನಿರ್ದೇಶನ ಮಾಡಿದ್ದರು. ಬೋಲ್ಡ್‌ ಆಗಿ ನಟಿಸುವ ಮೂಲಕ ಸಿನಿಮಾರಂಗದಲ್ಲಿ ಮಿಂಚುತ್ತಿದ್ದ ಸಮಯದಲ್ಲಿ ಅವರ ಒಂದು ಫೋಟೋ ದೊಡ್ಡ ವಿವಾದವನ್ನು ಸೃಷ್ಟಿಸಿತ್ತು.
ತಂದೆಯೊಂದಿಗೆ ಲಿಪ್‌ ಲಾಕ್; ಮ್ಯಾಗ್‌ ಜಿನ್‌ ಗಾಗಿ ಬೋಲ್ಡ್‌ ಶೂಟ್: ನಟಿ ಪೂಜಾ ಭಟ್ ಅವರ ಸಿನಿಮಾ ಕೆರಿಯರ್‌ ಉತ್ತಮವಾಗಿದ್ದ ಸಮಯ ಅದು. ಆ ಸಮಯದಲ್ಲಿ ಬಹಳ ಜನಪ್ರಿಯವಾಗಿದ್ದ ʼ ಸ್ಟಾರ್ಡಸ್ಟ್ʼ ಮ್ಯಾಗ್‌ ಜಿನ್‌ ನಲ್ಲಿ ಪ್ರಕಟವಾದ ಒಂದು ಫೋಟೋ ದೊಡ್ಡ ವಿವಾದವನ್ನು ಸೃಷ್ಟಿಸಿತ್ತು. ತಂದೆ – ಮಗಳಾಗಿರುವ ಪೂಜಾ ಭಟ್ – ಮಹೇಶ್ ಭಟ್ ಪರಸ್ಪರ ಚುಂಬಿಸುವ ( ಲಿಪ್‌ ಲಾಕ್) ಮಾಡಿಕೊಳ್ಳುವ ಫೋಟೋವನ್ನು ಅಂದು ಮ್ಯಾಗ್‌ ಜಿನ್‌ ಗಾಗಿ ಶೂಟ್ ಮಾಡಲಾಗಿತ್ತು. ತಂದೆ ಮಹೇಶ್ ಭಟ್ ಮಡಿಲಿನ ಮೇಲೆ ಕೂತುಕೊಂಡು ಪೂಜಾ ಭಟ್ ಲಿಪ್‌ ಲಾಕ್ ಮಾಡಿರುವ ಫೋಟೋ ಮ್ಯಾಗ್‌ ಜಿನ್‌ ಮುಖಪುಟದಲ್ಲಿ ಪ್ರಕಟಿಸಲಾಗಿತ್ತು.
ಈ ಫೋಟೋಗೆ ಅನೇಕರಿಂದ ವಿರೋಧ ವ್ಯಕ್ತವಾಗಿತ್ತು. ಪೂಜಾ ಭಟ್ – ಮಹೇಶ್ ಭಟ್ ಅವರ ವಿರುದ್ಧ ಜನ ಆಕ್ರೋಶಗೊಂಡಿದ್ದರು.
ಪೂಜಾ ಭಟ್ ಮತ್ತು ಮಹೇಶ್ ಭಟ್ ಅವರ ಕವರ್ ಫೋಟೋ ವಿವಾದ ತಾರರಕ್ಕೇರಿದಾಗ ನಿರ್ದೇಶಕ ಮಹೇಶ್ ಭಟ್ ಪ್ರತಿಕಾಗೋಷ್ಠಿ ನಡೆಸಿ ಸ್ಪಷ್ಟನೆ ನೀಡೆಲು ಮುಂದಾದರು.
“ಪೂಜಾ ನನ್ನ ಮಗಳಲ್ಲದಿದ್ದರೆ ನಾನು ಅವಳನ್ನು ಮದುವೆಯಾಗುತ್ತಿದ್ದೆ” ಎಂದು ಮಹೇಶ್ ಭಟ್ ಪ್ರತಿಕಾಗೋಷ್ಠಿಯಲ್ಲಿ ಹೇಳಿದ್ದರು. ಈ ಮಾತು ವಿವಾದಕ್ಕೆ ಕಿಡಿ ಹೊತ್ತಿಸಿದಂತಾಗಿ ಮತ್ತಷ್ಟು ಆಕ್ರೋಶಕ್ಕೆ ಕಾರಣವಾಗಿತ್ತು.
ಈ ಒಂದು ವಿವಾದ ಮಾತ್ರವಲ್ಲದೆ ಅವರು 2003 ರಲ್ಲಿ ಪೂಜಾ ಭಟ್ ರಣವೀರ್ ಶೋರೆಯೊಂದಿಗೆ ರಿಲೇಷನ್‌ ಶಿಪ್‌ ಹೊಂದಿದ್ದರು. ಈ ವೇಳೆ ರಣವೀರ್ ಶೋರೆ ಪೂಜಾರನ್ನು ಮದ್ಯ ವ್ಯಸನಿ ಹಾಗೂ ನಿಂದನೆ ಮಾಡುವ ವ್ಯಕ್ಯಿಯೆಂದು ಆರೋಪಿಸಿದ್ದರು.
ನಟಿ ಪೂಜಾ ಭಟ್ ತಾನು ಮದ್ಯ ವ್ಯಸನಿ ತನಗೆ ಮದ್ಯ ಸೇವಿಸದೇ ಇದ್ರೆ ಆಗವುದಿಲ್ಲ ಎಂದು ಈ ಹಿಂದೊಮ್ಮೆ ಸಂದರ್ಶನವೊಂದರಲ್ಲಿ ಮುಕ್ತವಾಗಿ ಹೇಳಿದ್ದರು.
ಪೂಜಾ ಭಟ್ ಮಹೇಶ್ ಭಟ್ ಅವರ ಮೊದಲ ಪತ್ನಿ ಕಿರಣ್ ಭಟ್ ಅವರ ಹಿರಿಯ ಮಗಳು. ಮಹೇಶ್ – ಕಿರಣ್ ಅವರಿಗೆ ರಾಹುಲ್‌ ಭಟ್ ಎಂಬ ಮಗ ಕೂಡ ಇದ್ದಾನೆ. ಆ ಬಳಿಕ ಮಹೇಶ್ ಭಟ್ ಸೋನಿ ರಜ್ದಾನ್ ಅವರನ್ನು ವಿವಾಹವಾದರು. ಈ ದಂಪತಿಗೆ ಶಾಹೀನ್ ಭಟ್ ಮತ್ತು ಆಲಿಯಾ ಭಟ್ ಎಂಬ ಇಬ್ಬರು ಹೆಣ್ಣು ಮಕ್ಕಳಿದ್ದಾರೆ.
ಪೂಜಾ ಭಟ್ ಇತ್ತೀಚೆಗೆ ದುಲ್ಕರ್ ಸಲ್ಮಾನ್ ಎದುರು ‘ಚುಪ್: ರಿವೆಂಜ್ ಆಫ್ ದಿ ಆರ್ಟಿಸ್ಟ್’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ನಟಿ ಈಗ ಬಿಗ್ ಬಾಸ್ OTT 2 ನಲ್ಲಿ ಸ್ಪರ್ಧಿಯಾಗಿದ್ದಾರೆ. ಪೂಜಾ ಭಟ್ ತನ್ನ ನೇರಾ ನುಡಿಗಳಿಂದ ಗುರುತಿಸಿಕೊಂಡಿದ್ದಾರೆ.
