ಮಂಗಳನನ್ನೂ ಕಾಡಿತ್ತೇ ಹವಾಮಾನ ವೈಪರೀತ್ಯ?

ವಾಷಿಂಗ್ಟನ್‌: ನಾಸಾದ ಪರ್ಸೆವೆರೆನ್ಸ್‌ ರೋವರ್‌ ಕೆಂಪು ಗ್ರಹದ ಅಂಗಳದ ಮಾದರಿಗಳನ್ನು ಸಂಗ್ರಹಿಸುವ ಕೆಲಸ ಮುಂದುವರಿಸಿರು ವಂತೆಯೇ, ಅಚ್ಚರಿಯ ಅಂಶವೊಂದನ್ನು ಫ್ರಾನ್ಸ್‌ನ ವಿಜ್ಞಾನಿಗಳು ಪತ್ತೆಹಚ್ಚಿದ್ದಾರೆ. ಕೇವಲ ಭೂಮಿ ಮಾತ್ರವಲ್ಲ, ಮಂಗಳ ಗ್ರಹವೂ ಒಂದು ಕಾಲದಲ್ಲಿ ಹವಾಮಾನ ವೈಪ ರೀತ್ಯದ ಹೊಡೆತಕ್ಕೆ ಸಿಲುಕಿತ್ತು ಎಂಬು ದನ್ನು ಅವರು ಕಂಡುಕೊಂಡಿದ್ದಾರೆ.

ಮಂಗಳಗ್ರಹದ ಮಣ್ಣಿನಡಿ ಇರುವಂಥ ಸೂಕ್ಷ್ಮಾಣುಜೀವಿಗಳು ಕೆಂಪು ಗ್ರಹದಲ್ಲಿ ಶೀತಲಯುಗಕ್ಕೆ ನಾಂದಿಹಾಡಿ, ಅಲ್ಲಿನ ಇಡೀ ವಾತಾವರಣವನ್ನೇ ಬದಲಾಯಿಸಿದವು. ಹೀಗೆ ಉಂಟಾದ ಹವಾಮಾನ ಬದಲಾವಣೆಯಿಂದಾಗಿ ಹಲವು ಶತಮಾನಗಳ ಕಾಲ ಮಂಗಳ ಗ್ರಹವು ಬಂಜರು ಭೂಮಿಯಾಗಿ ಮಾರ್ಪಾಡಾಗಿರಬಹುದು ಎಂದು ವಿಜ್ಞಾನಿಗಳು ಅಂದಾಜಿಸಿದ್ದಾರೆ.

ಸೂಕ್ಷ್ಮಾಣುಜೀವಿಗಳು ಶಕ್ತಿ ಮತ್ತು ಇಂಗಾಲದ ಮೂಲವಾಗಿ ಎಚ್‌2 ಮತ್ತು ಸಿಒ2ವನ್ನು ಸೇವಿಸಿ, ಮೀಥೇನ್‌ ತ್ಯಾಜ್ಯವನ್ನು ವಾತಾವರಣಕ್ಕೆ ಬಿಡುತ್ತಿದ್ದವು. ಇದುವೇ ಮಂಗಳನ ಹವಾಮಾನ ದಲ್ಲಿ ದೊಡ್ಡಮಟ್ಟದ ಬದಲಾವಣೆಯನ್ನು ಉಂಟುಮಾಡಿರ ಬಹುದು ಎಂದಿದ್ದಾರೆ ವಿಜ್ಞಾನಿಗಳು.