Desi Swara: ಶಾರ್ಜಾದ ಮೆಗಾ ಮಾಲ್‌ನಲ್ಲಿ ಕ್ರಿಸ್‌ಮಸ್‌ ಸಂಭ್ರಮ

ಕರುಗಳ ಕಟ್ಟಿದ ಗೋದಲಿಯೊಳಗೆ
ಸುಂದರ ಕಂದನ ನೋಡ ಬನ್ನಿರಿ ||
ದೇವ ಪುತ್ರನು ಜನಿಸಿದನಿಂದು ಸರ್ವರಿಗೆಲ್ಲ ಶುಭಾಶಯ
ಹ್ಯಾಪಿ ಹ್ಯಾಪಿ ಕ್ರಿಸ್‌ಮಸ್‌, ಮೇರಿ ಮೇರಿ ಕ್ರಿಸ್‌ಮಸ್‌
ಈ ಶುಭದಿನ ನಮ್ಮ ಕಣ್ಣುಗಳ ನೀನು ಬೆಳಗಿಸಿ
ಭೀತಿಯ ಕೇಡಿನ ಬಾಳನ್ನು ಮಾರ್ಪಡಿಸಿ ||
ನಿನ್ನ ನಾಮದ ಮಹಿಮೆಗೆ ಬದುಕಲು
ಸಿದ್ಧಪಡಿಸಿ ಆಶೀರ್ವದಿಸು ನೀ ||
ಕತ್ತಲೆಯ ಕಾರ್ಯಗಳ ನಾಶಮಾಡಲು
ನಾಶನದ ಮಾರ್ಗದಿ ನಮ್ಮನ್ನು ತಪ್ಪಿಸಲು ||
ರಾಜಾಧಿ ರಾಜ ಧರೆಗೆ ಬಂದ ನಮ್ಮನ್ನು ಕಾಪಾಡಲು
ಮನೋಹರನು ಪ್ರಾಣ ಪ್ರಿಯನು ತಗ್ಗಿನ ತಾವರೆಯು ||
ಹತ್ತು ಸಾವಿರ ಜನರಲ್ಲಿ ಸುಂದರಾಂಗನು
ರಾಜಾಧಿ ರಾಜ ಧರೆಗೆ ಬಂದ ನಮ್ಮನ್ನು ಕಾಪಾಡಲು ||

ಕ್ರಿಸ್‌ಮಸ್‌ನ ಪ್ರಯುಕ್ತ ಶಾರ್ಜಾದ ಮೆಗಾ ಮಾಲಿನಲ್ಲಿ ಕ್ರಿಸ್‌ಮಸ್‌ನ ಹಬ್ಬದ ದೊಡ್ಡ ಸಮಾರಂಭವನ್ನು ಹಮ್ಮಿಕೊಂಡಿತ್ತು. ಈ ಸಂಭ್ರಮದಲ್ಲಿ ನಾವು ಪಾಲುದಾರರಾಗಿದ್ದು ಒಂದು ಅದ್ಭುತ ಅನುಭವವಾಗಿತ್ತು. ನಾನು ನನ್ನ ಕುಟುಂಬದೊಂದಿಗೆ ಹೋಗಿ ಆಚರಿಸಿಕೊಂಡು ಬಂದೆವು. ಅಲ್ಲಿ ಎಲ್ಲರಿಗೂ ಸಂತಾ ಕ್ಲಾಸ್‌ನ ಅಂದವಾದ ಗೊಂಬೆಗಳನ್ನು ಹಾಗೂ ಹಾಟ್‌ ಚಾಕಲೇಟ್‌ ಅನ್ನು ನೀಡಲಾಗಿತ್ತು.

ಸಂಭ್ರಮದಲ್ಲಿ ಭಾಗಿಯಾಗಿದ್ದು ನನಗೆ ಅತ್ಯಂತ ಖುಷಿಯನ್ನು ಕೊಟ್ಟ ದಿನ. ನನ್ನ ಮಗನೂ ಬಹಳ ಚುರುಕುತನದಿಂದ ಎಲ್ಲ ಚಟುವಟಿಕೆಗಳಲ್ಲಿ ತೊಡಗಿಕೊಂಡದ್ದನ್ನು ನೋಡಿ ಮನಸ್ಸಿನ ಖುಷಿ ದುಪ್ಪಟ್ಟಾಗಿತ್ತು. ವಿವಿಧ ಕಾರ್ಟೂನ್‌ಗಳನ್ನು ಪ್ರದರ್ಶಿಸಲಾಗಿತ್ತು. ಪ್ರತೀ ಕಾರ್ಟೂನು ಒಂದಕ್ಕೊಂದು ವಿಭಿನ್ನವಾಗಿ, ಬಹಳ ಆಕರ್ಷಕವಾಗಿದ್ದವು. ಮನಸ್ಸಿಗೆ ಮುದ ನೀಡುವ ಚಟುವಟಿಕೆಗಳು, ನೃತ್ಯ ಕಾರ್ಯಕ್ರಗಳು ಇಂತಹ ದೃಶ್ಯ ಶಾರ್ಜಾ ಮೆಗಮಾಲ್‌ನಲ್ಲಿ ಪ್ರತೀ ವರ್ಷವೂ ನಡೆಯುತ್ತದೆ. ಹೀಗೆ ದೀಪಾವಳಿ ಕೂಡಾ ಆಚರಿಸುವುದು ಅಚ್ಚರಿಯ ಸಂಗತಿ, ಕೃಷ್ಣ ಜನ್ಮಾಷ್ಟಮಿಯಂದು ಕೃಷ್ಣನ ಮೂರ್ತಿಯನ್ನು ನೋಡಲು ಎರಡು ಕಣ್ಣುಗಳು ಸಾಲದು. ಒಟ್ಟಾರೆ ಮೆಗಾ ಮಾಲ್‌ ಮಕ್ಕಳ ಹಾಗೂ ದೊಡ್ಡವರ ಮನರಂಜನೆಯ ತಾಣವಾಗಿ ಕಾಣಿಸುತ್ತಿತ್ತು.

ಸುದಿನ