ಕಾಂಗ್ರೆಸ್‌ ಸಾರಥಿ ಆಯ್ಕೆ ಮತ್ತೆ ವಿಳಂಬ?

ಹೊಸದಿಲ್ಲಿ: 2024ರ ಲೋಕಸಭೆ ಚುನಾವಣೆಗೆ ಈಗಾಗಲೇ ಹಲವು ಪಕ್ಷಗಳು ಸಿದ್ಧತೆ ಆರಂಭಿಸಿವೆ. ಆದರೆ ಕಾಂಗ್ರೆಸ್‌ ಮಾತ್ರ ಇನ್ನೂ “ಅಧ್ಯಕ್ಷ’ರ ಹುಡುಕಾಟದಲ್ಲಿದೆ!

ಸೋನಿಯಾ ಗಾಂಧಿ ಬಳಿಕ ಯಾರು ಎಂಬ ಪ್ರಶ್ನೆ ಇನ್ನೂ ಬಗೆ ಹರಿದಿಲ್ಲ. ಪಕ್ಷವು ಈಗಾಗಲೇ ಅಧ್ಯಕ್ಷರ ಆಯ್ಕೆಗೆ ಸೆಪ್ಟಂಬರ್‌ನ ಗಡುವು ವಿಧಿಸಿದೆ.

ಆದರೆ ಮತ್ತೆ ಗಾದಿಗೇರಲು ರಾಹುಲ್‌ ಗಾಂಧಿ ಒಪ್ಪುತ್ತಿಲ್ಲ. ಅವರ ಮನವೊಲಿಕೆ ಅಸಾಧ್ಯವಾದರೆ ಪಕ್ಷವು ಸೆಪ್ಟಂಬರ್‌ನ ಡೆಡ್‌ಲೈನ್‌ ಅನ್ನು ವಿಸ್ತರಿಸಿ, ಸರ್ವಸಮ್ಮತದ ಬೇರೆ ಅಭ್ಯರ್ಥಿಯನ್ನು ಆಯ್ಕೆ ಮಾಡಬೇಕಾಗಲಿದೆ.

ಆ. 21ರಿಂದ ಸೆ. 20ರೊಳಗೆ ಹೊಸ ಅಧ್ಯಕ್ಷರ ಆಯ್ಕೆ ನಡೆಯಲಿದೆ ಎಂದು ಕಳೆದ ವರ್ಷವೇ ಕಾಂಗ್ರೆಸ್‌ ಘೋಷಿಸಿತ್ತು.