Deepfake ರತನ್‌ ಟಾಟಾ ಫೋಟೋ ಬಳಕೆ

ಹೊಸದಿಲ್ಲಿ: ಡೀಪ್‌ಫೇಕ್‌ ಜಾಲಕ್ಕೆ ಚಲನಚಿತ್ರ ನಟಿಯರು ಸಿಲುಕಿದ್ದ ಬೆನ್ನಲ್ಲೇ ಇದೀಗ ಖ್ಯಾತ ಉದ್ಯಮಿ ರತನ್‌ ಟಾಟಾ ಅವರ ಫೋಟೋಗಳನ್ನೂ ಡೀಪ್‌ಫೇಕ್‌ ಮಾಡಿ ನಕಲಿ ವೀಡಿಯೋಗಳನ್ನು ಸೃಷ್ಟಿಸಲಾಗಿದೆ. ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಈ ವೀಡಿಯೋ ಗಳಲ್ಲಿ ಜನರಿಗೆ ಹೂಡಿಕೆ ಐಡಿಯಾಗಳನ್ನು ರತನ್‌ ನೀಡುವಂತೆ ಚಿತ್ರಿಸ ಲಾಗಿದ್ದು, ಈ ವೀಡಿಯೋಗಳು ನಕಲಿ ಎಂದು ಅವರು ಸ್ಪಷ್ಟ ಪಡಿಸಿದ್ದಾರೆ.

ಸೋನಾ ಅಗರ್‌ವಾಲ್‌ ಎಂಬವರು ಹಂಚಿಕೊಂಡಿದ್ದ ವೀಡಿಯೋಗಳ ಸ್ಕ್ರೀನ್‌ಶಾಟ್‌ಗಳನ್ನು ರತನ್‌ಟಾಟಾ ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ಇಲ್ಲಿ ಹಂಚಿಕೊಂಡಿರುವ ವೀಡಿಯೋ ಮತ್ತು ಅದರಲ್ಲಿರುವ ಕ್ಯಾಪ್ಶನ್‌ ಎರಡೂ ನಕಲಿ ಎಂದು ಸ್ಪಷ್ಟಪಡಿಸಿದ್ದಾರೆ.