ಟಾಟಾ ಮೋಟರ್ಸ್‌ನಿಂದ ಮಧ್ಯಮ, ಭಾರೀ ವಾಹನಗಳಿಗೆ ವಾರಂಟಿ ಘೋಷಣೆ

ಬೆಂಗಳೂರು: ದೇಶದ ಹೆಸರಾಂತ ಟಾಟಾ ಮೋಟರ್ಸ್‌ ತನ್ನ ಗ್ರಾಹಕರಿಗೆ 2018ರ ನೂತನ ವರ್ಷದ ಕೊಡುಗೆಯಾಗಿ ‘ಬೆಸ್ಟ್‌-ಇನ್‌-ಕ್ಲಾಸ್‌’ ವಾರಂಟಿ ಎಂಬ ಹೊಸ ಯೋಜನೆ ಮೊದಲ ಬಾರಿಗೆ ಪರಿಚಯಿಸಿದೆ. ಈ ಯೋಜನೆಯಡಿ ಟಾಟಾ ಮೋಟರ್ಸ್‌ ಟ್ರಾಕ್ಟರ್‌-ಟ್ರೇಲರ್‌ಗಳು, 16ಟನ್‌ ಮಲ್ಟಿ ಆ್ಯಕ್ಸೆಲ್‌ ಟ್ರಕ್‌ಗಳು, ಟಿಪ್ಪರ್‌ಗಳು ಮತ್ತು ಜಿವಿಡಬ್ಲೂÂ ವಾಹನಗಳಿಗೆ ಆರು ವರ್ಷಗಳ ವಾರಂಟಿ ನೀಡುತ್ತಿದೆ.

ಸಂಸ್ಥೆಯ ವಾಣಿಜ್ಯ ವಾಹನಗಳ ವ್ಯವಹಾರ ವಿಭಾಗದ ಮುಖ್ಯಸ್ಥ ಗಿರೀಶ್‌ ವಾಘ ಅವರು ಮಾತನಾಡಿ, 70ಕ್ಕೂ ಹೆಚ್ಚು ವರ್ಷಗಳಿಂದಲೂ ವಾಹನ ತಯಾರಿಕೆಯಲ್ಲಿ ತೊಡಗಿರುವ ಟಾಟಾ ಮೋಟರ್ಸ್‌ ಹೊಸ ತಂತ್ರಜ್ಞಾನಗಳ ಅಳವಡಿಕೆ, ಹೊಸ ಉತ್ಪನ್ನಗಳ ಪರಿಚಯ ಮತ್ತು ಮೌಲ್ಯವರ್ಧಿತ ಸೇವೆಗಳಿಗೆ ಹೆಸರುವಾಸಿಯಾಗಿದೆ. ಎಂ ಆ್ಯಂಡ್‌ ಎಚ್‌ಸಿವಿ ಶ್ರೇಣಿಯ ವಾಹನಗಳಿಗೆ ಈಗ ಪರಿಚಯಿಸಿರುವ 6 ವರ್ಷಗಳ ವಾರಂಟಿ ಯೋಜನೆ ಕಂಪನಿಯ ಮತ್ತೂಂದು ಮೊದಲ ಹೆಜ್ಜೆಯಾಗಿದೆ ಎಂದರು.

ಇದರ ಜತೆಯಲ್ಲಿ ಡ್ರೈವ್‌ಲೈನ್ಸ್‌ (ಎಂಜಿನ್‌, ಗಿಯರ್‌ಬಾಕ್ಸ್‌ ಹಾಗೂ ರಿಯರ್‌ ಆಕ್ಸೆಲ್‌)ಗೆ ಸ್ಟಾÂಂಡರ್‌x ಕೊಡುಗೆ ಇರಲಿದ್ದು, ಎಲ್ಲ ವಾಹನಗಳಿಗೆ ಇದ್ದ ವಾರಂಟಿ ಅವಧಿಯನ್ನು 24 ತಿಂಗಳಿಂದ 36 ತಿಂಗಳಿಗೆ ವಿಸ್ತರಿಸಲಾಗಿದೆ. ಅಲ್ಲದೆ, ಈ ಸುದೀರ್ಘ‌ ಅವಧಿಯ ವಾರಂಟಿಯೊಂದಿಗೆ ಆನ್ಯುವಲ್‌ ಮೆಂಟೆನೆನ್ಸ್‌ ಕಾಂಟ್ರಾÂಕ್ಟ್ (ಎಎಂಸಿ) ಮೂಲಕ ನಮ್ಮ ಗ್ರಾಹಕರಿಗೆ ನೆಮ್ಮದಿ ನೀಡಲಿದ್ದೇವೆ. ಒಟ್ಟಾರೆ ಗ್ರಾಹಕರಿಗೆ ಒಳ್ಳೆಯ ಲಾಭ ತಂದುಕೊಡುವುದು ಕಂಪನಿಯ ಉದ್ದೇಶ. ಬೆಸ್ಟ್‌ ಇನ್‌ ಕ್ಲಾಸ್‌ ವಾರಂಟಿ ಸೌಲಭ್ಯ ಪ್ರತಿ 50 ಕಿ.ಮೀ.ಗೆ ಒಂದರಂತಿರುವ ದೇಶದ ಎಲ್ಲ 1800ಕ್ಕೂ ಹೆಚ್ಚು ಟಚ್‌ ಪಾಯಿಂಟ್‌ಗಳಲ್ಲಿ ಲಭ್ಯವಿದೆ ಎಂದು ಅವರು ತಿಳಿಸಿದರು.