Advertisement
“ಸಿಟಿ ಬಸ್‌ ನಿಲ್ದಾಣ’ದ ಕಾಂಕ್ರೀಟ್‌ ಕಾಮಗಾರಿ ಒಂದು ವರ್ಷದ ಹಿಂದೆ ನಡೆದಿತ್ತು. ಆದರೆ ಅದನ್ನು ಬಸ್‌ ನಿಲ್ದಾಣವೆಂದು ಪರಿಗಣಿಸದೆ ರಸ್ತೆಯಂತೆಯೇ ಪರಿಗಣಿಸಿ ಕಾಮಗಾರಿ ನಡೆಸಲಾಗುತ್ತಿತ್ತು. ಫುಟ್‌ಪಾತ್‌ ನಿರ್ಮಾಣ ಕೂಡ ಆಗಿತ್ತು. ಕಾಮಗಾರಿ ನಡೆಯುತ್ತಿದ್ದ ಸಂದರ್ಭದಲ್ಲಿ ಸಿಟಿ ಬಸ್‌ ಗಳನ್ನು ಸರ್ವೀಸ್‌ ಬಸ್‌ ನಿಲ್ದಾಣದಲ್ಲಿ ನಿಲುಗಡೆ ಮಾಡಲಾಗುತ್ತಿತ್ತು. ಅಲ್ಲದೆ ಶಾಶ್ವತವಾಗಿ ಸರ್ವೀಸ್‌ ಬಸ್‌ನಲ್ಲಿಯೇ ನಿಲುಗಡೆ ಮಾಡುವ ಬಗ್ಗೆಯೂ ನಿರ್ಧಾರವಾಗಿತ್ತು. ಕಳೆದ ಸುಮಾರು6 ತಿಂಗಳುಗಳಿಂದ ಮತ್ತೆ “ಸಿಟಿ ಬಸ್‌ ನಿಲ್ದಾಣ’ದಲ್ಲಿಯೇ ಸಿಟಿಬಸ್‌ ಗಳನ್ನು ನಿಲುಗಡೆ ಮಾಡಲಾಗುತ್ತಿದೆ.
ಸ್ಟೇಟ್‌ಬ್ಯಾಂಕ್‌ನ ಮೀನು ಮಾರ್ಕೆಟ್‌, ಮಾರ್ಕೆಟ್‌ ಪಕ್ಕದ ಅಂಗಡಿಗಳಿಗೆ ಬರುವವರು ಸಿಟಿ ಬಸ್‌ ನಿಲ್ದಾಣದ ರಸ್ತೆ ಬದಿಯಲ್ಲೇ ವಾಹನ ನಿಲುಗಡೆ ಮಾಡುತ್ತಿದ್ದಾರೆ. ಹ್ಯಾಮಿಲ್ಟನ್‌ ಸರ್ಕಲ್‌ ಕಡೆಯಿಂದ ಬರುವ ವಾಹನಗಳು ಕೂಡ ಅಧಿಕ ಇವೆ. ಇತ್ತ ಸಿಟಿ ಬಸ್‌ಗಳು ಸಂಚರಿಸುತ್ತಿರುತ್ತವೆ. ಇದರಿಂದಾಗಿ ಪಾದಚಾರಿಗಳು, ವಾಹನಗಳ ಸಂಚಾರಕ್ಕೆ ಅಡ್ಡಿಯಾಗಿದೆ. ಜ.5ರಂದು ಇದೇ ಸ್ಥಳದಲ್ಲಿ ಬಸ್‌ ಢಿಕ್ಕಿಯಾಗಿ ಓರ್ವ ಪಾದಚಾರಿ ಮೃತಪಟ್ಟಿದ್ದರು. ಆಗಾಗ್ಗೆ ಇಲ್ಲಿ ವಾಹನಗಳ ಢಿಕ್ಕಿ, ಚಾಲಕರು, ಸವಾರರ ಮಾತಿನ ಚಕಮಕಿ, ಪೊಲೀಸರೊಂದಿಗೆ ವಾಗ್ವಾದ ನಡೆಯುತ್ತಲೇ ಇರುತ್ತದೆ.
Related Articles
ಸ್ಟೇಟ್‌ಬ್ಯಾಂಕ್‌ನ “ಸಿಟಿ ಬಸ್‌ ನಿಲ್ದಾಣ’ವನ್ನು ಒಟ್ಟುಸುಮಾರು 250ಕ್ಕೂ ಅಧಿಕ ಬಸ್‌ಗಳು ಬಳಕೆ ಮಾಡುತ್ತಿವೆ. ಏಕಕಾಲದಲ್ಲಿ 25ಕ್ಕೂ ಅಧಿಕ ಬಸ್‌ ಗಳು ನಿಲುಗಡೆಯಾಗುತ್ತವೆ. ಒಂದೊಂದು ಬಸ್‌ ದಿನಕ್ಕೆ ಸುಮಾರು 3-4 ಟ್ರಿಪ್‌ ಮಾಡುತ್ತದೆ. ಸೀಮಿತ ಸ್ಥಳಾವಕಾಶ ಇರುವುದರಿಂದ ಮತ್ತು ಬಸ್‌ ನಿಲುಗಡೆಗೆ ಬಸ್‌ ಬೇ ನಿರ್ಮಾಣವಾಗದೆ ಇರುವುದರಿಂದ ಬಸ್‌ ಚಾಲಕರಿಗೂ ಗೊಂದಲವುಂಟಾಗುತ್ತಿದೆ.
Advertisement
ಬಸ್‌ಬೇ ನಿರ್ಮಾಣಕ್ಕೆ ಸೂಚನೆಸಿಟಿಬಸ್ ನಿಲ್ದಾಣದಲ್ಲಿ ಬಸ್‌ ಬೇ ನಿರ್ಮಾಣವಾಗದೆ ಇರುವುದರಿಂದಲೂ ಸಮಸ್ಯೆಯಾಗಿದೆ. ಹಾಗಾಗಿ ಬಸ್‌ಬೇ ನಿರ್ಮಿಸಲು ಸ್ಮಾರ್ಟ್‌ ಸಿಟಿಯವರಿಗೆ ಸೂಚನೆ ನೀಡಲಾಗಿದೆ. ಬಸ್‌ ನಿಲ್ದಾಣ ಮತ್ತು ರಸ್ತೆಯ ನಡುವೆ ಬ್ಯಾರಿಕೇಡ್‌ ಇಟ್ಟು ಸುಗಮ ಸಂಚಾರಕ್ಕೆ ತಾತ್ಕಾಲಿಕ ವ್ಯವಸ್ಥೆ ಮಾಡಲಾಗಿದೆ. ಸಂಚಾರಿ ಪೊಲೀಸರು ಕೂಡ ನಿಗಾ ವಹಿಸುತ್ತಿದ್ದಾರೆ. ಬಸ್‌ ಬೇ ನಿರ್ಮಾಣವಾದರೆ ಬಹುತೇಕ ಸಮಸ್ಯೆ ಪರಿಹಾರವಾಗಬಹುದು.
-ಗೀತಾ ಕುಲಕರ್ಣಿ, ಎಸಿಪಿ ಸಂಚಾರ ವಿಭಾಗ, ಮಂಗಳೂರು ಸಂತೋಷ್‌ ಬೊಳ್ಳೆಟ್ಟು