ವಿದೇಶಕ್ಕೆ ಕಳ್ಳಸಾಗಣೆಯಾಗುತ್ತಿದ್ದ ವಿಗ್ರಹ ವಶ

ಚೆನ್ನೈ: ವಿದೇಶಕ್ಕೆ ಕಳ್ಳಸಾಗಣೆ ಮಾಡಲೆಂದು ಸಿದ್ಧತೆ ನಡೆಸಲಾಗಿದ್ದ ಹಿತ್ತಾಳೆಯ ನೃತ್ಯ ಗಣಪತಿ ವಿಗ್ರಹವನ್ನು ಕಸ್ಟಮ್ಸ್‌ ಇಲಾಖೆಯ ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ.

ತಮಿಳುನಾಡಿನ ಕಂಚಿಪುರಂನಲ್ಲಿ ಈ ವಿಗ್ರಹ ವಶ ಪಡಿಸಿಕೊಳ್ಳಲಾಗಿದೆ.

ಚೆನ್ನೈ ಮೂಲದ ವ್ಯಕ್ತಿಯೊಬ್ಬ ಈ ವಿಗ್ರಹವನ್ನು ಕಳ್ಳಸಾಗಣೆ ಮಾಡಲೆಂದು ಕಂಚಿಪುರಂಗೆ ಕಳುಹಿಸಿಕೊಟ್ಟಿದ್ದು, ಅಲ್ಲಿನ ಮನೆಯೊಂದರಲ್ಲಿ ಅದನ್ನು ಬಚ್ಚಿಡಲಾಗಿತ್ತು.

ನಿಖರ ಮಾಹಿತಿಯನ್ನಾಧರಿಸಿ ಪರಿಶೀಲನೆ ನಡೆಸಿದ ಅಧಿಕಾರಿಗಳು, ವಿಗ್ರಹವನ್ನು ವಶಪಡಿಸಿಕೊಂಡಿದ್ದಾರೆ.

ವಿಗ್ರಹವು 400 ವರ್ಷಗಳಷ್ಟು ಹಳೆಯದೆಂದು ಪುರಾತತ್ವ ಇಲಾಖೆ ತಿಳಿಸಿದೆ. 5.25 ಅಡಿ ಎತ್ತರವಿರುವ ವಿಗ್ರಹ 130 ಕೆಜಿ ತೂಕವಿರುವುದಾಗಿ ತಿಳಿಸಲಾಗಿದೆ.

ಇದನ್ನೂ ಓದಿ:ತಿಕೋಟಾ ತಾಲೂಕಿನಲ್ಲಿ ಭೂಕಂಪ : ಮನೆಯಿಂದ ಹೊರಗೋಡಿ ಬಂದ ಜನ