Desi Swara@150: ನವವಿಂಶತಿ ನೃತ್ಯ ಹಬ್ಬದಲ್ಲಿ ದ್ವಿದಳದ ಸತ್ರಿಯ ಪ್ರದರ್ಶನ

ನಾರ್ಥ್ ಕ್ಯಾಲಿಫೋರ್ನಿಯಾ: ಗುರು ಶ್ರೀದೇವಿ ಜಗನ್ನಾಥ್‌ ಅವರ ನೇತೃತ್ವದ ಲಾಸ್ಯ ಸ್ಕೂಲ್‌ ಆಫ್‌ ಡ್ಯಾನ್ಸ್‌ ಯುಎಸ್‌ಎಯ ನಾರ್ಥ್ ಕೆರೊಲಿನಾದಲ್ಲಿ ಪ್ರತಿಷ್ಠಿತ ಶಾಲೆಯಾಗಿದೆ. ಅ.26ರಂದು ಶಾಲೆಯು ತನ್ನ 29ನೇ ವಾರ್ಷಿಕ ದಿನದ ನೃತ್ಯವನ್ನು ನವವಿಂಶತಿ ನೃತ್ಯ ಉತ್ಸವವಾಗಿ ಪ್ರದರ್ಶಿಸಿತು. 200ಕ್ಕೂ ಹೆಚ್ಚು ನೃತ್ಯಗಾರರು ಪ್ರದರ್ಶನ ನೀಡಿದರು ಮತ್ತು ದ್ವಿದಳದ ಸತ್ರಿಯಾ ಪ್ರದರ್ಶನವು ಪ್ರಮುಖ ಆಕರ್ಷಣೆಯಾಗಿತ್ತು.

ದಕ್ಷಿಣ ಭಾರತದ ಮೊದಲ ಸತ್ರಿಯಾ ನೃತ್ಯಗಾರರಾದ ರೋಹಿಣಿ ಮತ್ತು ಶ್ರೀದೇವಿ ಅವರು ಯುಎಸ್‌ಎಯಲ್ಲಿ ಮೊದಲ ಬಾರಿಗೆ ಸತ್ರಿಯಾವನ್ನು ಪ್ರದರ್ಶಿಸಿದರು. ಸತ್ರಿಯಾ ಭಾರತದ 8ನೇ ಶಾಸ್ತ್ರೀಯ ನೃತ್ಯ ಪ್ರಕಾರ ಎಂದು ನಮ್ಮಲ್ಲಿ ಅನೇಕರಿಗೆ ತಿಳಿದಿಲ್ಲದಿದ್ದಾಗ, ಈ ಮಹಿಳೆಯರು ಈ ಕಲಾ ಪ್ರಕಾರವನ್ನು ಉತ್ತೇಜಿಸಲು ಬಹಳ ಶ್ರಮ ಪಡುತ್ತಿದ್ದಾರೆ.

ಅಧ್ಯಾಪಕ್‌ ದೀಪಜ್ಯೋತಿ ಮತ್ತು ಅಧ್ಯಾಪಕ್‌ ದೀಪಂಕರ್‌ ಅವರ ಶಿಷ್ಯರು, ಅವರು ಪ್ರಪಂಚದಾದ್ಯಂತ ವಿವಿಧ ಉತ್ಸವಗಳಲ್ಲಿ ಸತ್ರಿಯಾವನ್ನು ಪ್ರಚಾರ ಮಾಡುತ್ತಿದ್ದಾರೆ.

ವಂದನಾದೊಂದಿಗೆ ತಮ್ಮ ಪ್ರದರ್ಶನವನ್ನು ಪ್ರಾರಂಭಿಸಿದರು. ಅವರು ಪ್ರಸ್ತುತಪಡಿಸಿದ ಸಂಯೋಜನೆ ನಾದ್‌ ಭಂಗಿ, ಇದು ಕಳಿಂಗ ಮರ್ಧನ ಪ್ರಸಂಗದಿಂದ ಪ್ರೇರಿತವಾದ ಶುದ್ಧ ನೃತ್ಯವಾಗಿದೆ. ದಶಾವತಾರ ಅವರ ಅಭಿನಯದ ಅಂತಿಮ ಭಾಗವಾಗಿತ್ತು.

600ಕ್ಕೂ ಹೆಚ್ಚು ಅತಿಥಿಗಳು, ಅವರ ಅಭಿನಯಕ್ಕೆ ಸೋತುಹೋದರು. ಹಿಂದೆಂದೂ ನೋಡಿರದ ನೃತ್ಯದ ಹೊಸ ರೂಪವನ್ನು ನೋಡಿದಾಗ ತುಂಬಾ ಉಲ್ಲಾಸದಾಯಕವಾಗಿದೆ ಎಂದು ಹೇಳಿದರು. ಪ್ರತೀ ಅವತಾರದ ಚಿತ್ರಣದ ಅನಂತರ ಚಪ್ಪಾಳೆ ತಟ್ಟುತ್ತಲೇ ಇದ್ದ ಕಲಾ ರಸಿಕರು ಮನಸೋತು ಮನೆಗೆ ತೆರಳಿದರು. ಮೇಯರ್‌ ಟಿ.ಜೆ. ಕೌಲಿ ಮೈಮರೆತು ಇಬ್ಬರು ನರ್ತಕರೊಂದಿಗೆ ಸೆಲ್ಫಿ ತೆಗೆದುಕೊಂಡರು ಮತ್ತು ಅವರ ಸತ್ರಿಯಾದ ನರ್ತನ ಯಾತ್ರೆಗೆ ಶುಭ ಹಾರೈಸಿದರು.