ಬೀದರ: ನಗರದ ಜಿಲ್ಲಾ ಪೊಲೀಸ್‌ ಕವಾಯತ್‌ ಮೈದಾನದಲ್ಲಿ 71ನೇ ಸ್ವಾತಂತ್ರ್ಯದಿನಾಚರಣೆ ನಿಮಿತ್ತ ಜರುಗಿದ ಸಾಂಸ್ಕೃತಿಕ ಕಾರ್ಯಕ್ರಮಗಳು ಜನಮನ ರಂಜಿಸಿದವು. ನೃತ್ಯ ಶಾಲಾ ವಿದ್ಯಾರ್ಥಿಗಳು ಪ್ರದರ್ಶಿಸಿದ ದೇಶ ಭಕ್ತಿ ಗೀತೆಗಳ ನೃತ್ಯ ಸ್ವಾತಂತ್ರ್ಯಕ್ಕಾಗಿ ಬಲಿದಾನ ಮಾಡಿದವರನ್ನು ಕಣ್ಮುಂದೆ ಕಟ್ಟಿಕೊತು. ಸಾಹಸಮಯ ಪ್ರದರ್ಶನಗಳು ಮೈ ಝುಮ್ಮೆನಿಸಿತು. ಕರಡ್ಯಾಳ ಗುರುಕುಲದ ವಿದ್ಯಾರ್ಥಿಗಳು ನೃತ್ಯದ ಜತೆಗೆ ತಮ್ಮ ಸಾಹಸ ಕಲೆ ಪ್ರದರ್ಶಿಸಿ ಸೈ ಎನಿಸಿಕೊಂಡರು. ಸ್ವಾತಂತ್ರ್ಯ ದೊರಕಿಸಿಕೊಟ್ಟ ಮಹಾತ್ಮರು ಮತ್ತು ವೀರ ಯೋಧರನ್ನು ಸ್ಮರಿಸಿಕೊಳ್ಳುವುಂತೆ ಮಾಡಿತು. ನೂರಾರು ಜನ ಚಪ್ಪಾಳೆ, ಶಿಳ್ಳೆ ಮೂಲಕ ನೃತ್ಯಪಟುಗಳನ್ನು ಪ್ರೋತ್ಸಾಹಿಸಿದರು. ಸಂಜಯ ಡ್ಯಾನ್ಸ್‌ ಕ್ಲಬ್‌, ಸಿದ್ಧಾರೂಢ ಪಬ್ಲಿಕ್‌ ಶಾಲೆ ಮಕ್ಕಳ ನೃತ್ಯ, ಕೋಲಾಟ ಹಾಗೂ ಕರಾಟೆ ಪ್ರದರ್ಶನವೂ ಜನಮನ ಸೆಳೆಯಿತು. ಇದೇ ವೇಳೆ ವಿವಿಧ ಶಾಲಾ ವಿದ್ಯಾರ್ಥಿಗಳು ನೃತ್ಯ ಪ್ರದರ್ಶಿಸಿದರು.
