School Enrollment: ದೇಶದಲ್ಲಿ 2023-24ರಲ್ಲಿ ಶಾಲಾ ದಾಖಲಾತಿ ಭಾರೀ ಕುಸಿತ: ಕೇಂದ್ರ ಸರಕಾರ

ಹೊಸದಿಲ್ಲಿ: ದೇಶದಲ್ಲಿ 2023-24ರ ಶೈಕ್ಷಣಿಕ ವರ್ಷದಲ್ಲಿ ಶಾಲಾ ದಾಖಲಾತಿ ಪ್ರಮಾಣ ಕುಸಿತ ಕಂಡಿದೆ. ಆ ವರ್ಷ 37 ಲಕ್ಷ ಮಂದಿ ಶಾಲೆಗೆ ಪ್ರವೇಶವನ್ನೇ ಪಡೆದಿರಲಿಲ್ಲ ಎಂದು ಕೇಂದ್ರ ಶಿಕ್ಷಣ ಸಚಿವಾಲಯದ ದತ್ತಾಂಶಗಳು ತಿಳಿಸಿವೆ.

2022-23ನೇ ಸಾಲಿನಲ್ಲಿ 25.17 ಕೋಟಿ ಮಂದಿ ಶಾಲಾ ಪ್ರವೇಶ ಪಡೆದಿದ್ದರು ಎಂದು ಶಿಕ್ಷಣಕ್ಕಾಗಿ ಇರುವ ಜಿಲ್ಲಾಮಟ್ಟದ ಏಕೀಕೃತ ಮಾಹಿತಿ ವ್ಯವಸ್ಥೆ ಮಾಹಿತಿ ನೀಡಿದೆ. ಇದೇ ವೇಳೆ ಹೆಣ್ಣುಮಕ್ಕಳ ದಾಖಲಾತಿ ಪ್ರಮಾಣ 16 ಲಕ್ಷದಷ್ಟು ಕುಸಿತ ಕಂಡಿದ್ದರೆ, ಗಂಡುಮಕ್ಕಳ ದಾಖಲಾತಿ ಪ್ರಮಾಣ 21 ಲಕ್ಷದಷ್ಟು ಇಳಿದಿದೆ ಕೇಂದ್ರ ಸರಕಾರ ಮಾಹಿತಿ ನೀಡಿದೆ. ದೇಶಾದ್ಯಂತ ಅಲ್ಪಸಂಖ್ಯಾಕ ವಿದ್ಯಾರ್ಥಿಗಳ ದಾಖಲಾತಿ ಪ್ರಮಾಣ ಶೇ.20 ಎಂದೂ ಸರಕಾರ ಹೇಳಿದೆ.