ನಟಿ ಸ್ವರಾ ಭಾಸ್ಕರ್ ಗೆ ಕೋವಿಡ್ : ಸಾವು ಬಯಸಿ ಟ್ರೋಲ್!

ನವದೆಹಲಿ: ನಟಿ ಸ್ವರಾ ಭಾಸ್ಕರ್ ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ಕೋವಿಡ್ ಪಾಸಿಟಿವ್ ದೃಢ ಪಟ್ಟಿರುವ ಬಗ್ಗೆ ಘೋಷಿಸಿಕೊಂಡಿದ್ದು, ಕೆಲವರು ಅವರ ಸಾವನ್ನು ಬಯಸಿ ಟ್ರೋಲ್ ಮಾಡಿ ವಿಪರೀತ ಮಟ್ಟಕ್ಕೆ ಹೋಗಿ ಅಸಹ್ಯ ಕಮೆಂಟ್‌ಗಳನ್ನು ಪೋಸ್ಟ್ ಮಾಡಿದ್ದಾರೆ.

ನಾನು ಕ್ವಾರಂಟೈನ್‌ನಲ್ಲಿದ್ದೇನೆ ಎಂದು ಘೋಷಿಸಿದ್ದರು, ಅನೇಕರು ಶೀಘ್ರವಾಗಿ ಚೇತರಿಸಿಕೊಳ್ಳಬೇಕೆಂದು ಹಾರೈಸಿದ್ದರು. ಆದರೆ ಹಲವರು ಆಕೆಯ ವಿರುದ್ಧ ರೆಸ್ಟ್ ಇನ್ ಪೀಸ್, ಸಾವಿಗೆ ಹತ್ತಿರವಾಗು ಎಂದು ಪೋಸ್ಟ್ ಮಾಡಿದ್ದರು.

ನಟಿ ಈ ಹಿಂದೆ ನಾನು ವರ್ಷದ 150 ದಿನ ಮುಸ್ಲಿಂ, 100 ದಿನ ಕ್ರಿಶ್ಚಿಯನ್, 15 ದಿನ ಸಿಖ್ ಆಗಿರುತ್ತೇನೆ , 1 ದಿನ ಮಾತ್ರ ಹಿಂದುವಾಗಿರುತ್ತೇನೆ ಎಂದು ಪೋಸ್ಟ್ ಮಾಡಿರುವುದಕ್ಕಾಗಿ ಆಕೆಯ ವಿರುದ್ಧ ಆಕ್ರೋಶದಲ್ಲಿ ಈ ಪೋಸ್ಟ್ ಗಳನ್ನು ಮಾಡಲಾಗಿದೆ.

“ಸ್ನೇಹಿತರೇ, ದಯವಿಟ್ಟು ನಿಮ್ಮ ಭಾವನೆಗಳನ್ನು ಹತೋಟಿಯಲ್ಲಿಟ್ಟುಕೊಳ್ಳಿ. ನನಗೆ ಏನಾದರೂ ಸಂಭವಿಸಿದರೆ, ನಿಮ್ಮ ಜೀವನೋಪಾಯವು ಅಪಾಯದಲ್ಲಿದೆ. ನಿಮ್ಮ ಮನೆಯನ್ನು ನೀವು ಹೇಗೆ ನಡೆಸುತ್ತೀರಿ?” ಎಂದು ಟ್ವೀಟ್ ಮಾಡುವ ಮೂಲಕ ಸ್ವರಾ ತಿರುಗೇಟು ನೀಡಿದ್ದಾರೆ.