Wokf ತಿದ್ದುಪಡಿ ಕಾಯ್ದೆ ಪರಾಮರ್ಶೆಗೆ ಸಮಿತಿ: ತೇಜಸ್ವಿ, ಒವೈಸಿಗೆ ಸ್ಥಾನ

ಹೊಸದಿಲ್ಲಿ: ವಿವಾದಿತ ವಕ್ಫ್ ಬೋರ್ಡ್‌ ಮಸೂದೆ ಯನ್ನು ಜಂಟಿ ಸಂಸದೀಯ ಸಮಿತಿಗೆ ಶಿಫಾರಸು ಮಾಡಿದ ಬೆನ್ನಲ್ಲೇ ಲೋಕಸಭೆಯಲ್ಲಿ ಸಮಿತಿ ರಚನೆ ನಿರ್ಣಯ ಅಂಗೀಕರಿಸಲಾಯಿತು. ಈ ಸಮಿತಿಯಲ್ಲಿ 21 ಲೋಕಸಭಾ ಸದಸ್ಯರು, 10 ರಾಜ್ಯಸಭಾ ಸದಸ್ಯರು ಇರಲಿದ್ದಾರೆ. ಈ ಕುರಿತ ನಿರ್ಣಯವನ್ನು ಅಲ್ಪ ಸಂಖ್ಯಾಕ ವ್ಯವಹಾರಗಳ ಸಚಿವ ಕಿರಣ್‌ ರಿಜಿಜು ಲೋಕಸಭೆಯಲ್ಲಿ ಮಂಡಿಸಿದರು.

ಈ ಜಂಟಿ ಸಮಿತಿ ಯಲ್ಲಿ ಲೋಕಸಭೆ ಸದಸ್ಯರಾದ ಅಸಾದುದ್ದೀನ್‌ ಒವೈಸಿ, ಬೆಂಗಳೂರು ದಕ್ಷಿಣ ಕ್ಷೇತ್ರದ ಸಂಸದ ತೇಜಸ್ವಿ ಸೂರ್ಯ ಅವರಿಗೂ ಸ್ಥಾನ ಕಲ್ಪಿಸಲಾಗಿದೆ. ಇವರನ್ನು ಹೊರತುಪಡಿಸಿ, ಲೋಕಸಭೆಯಲ್ಲಿ ವಿಪಕ್ಷ ಉಪನಾಯಕ ಗೌರವ್‌ ಗೊಗೋಯಿ ಸೇರಿದಂತೆ 21 ಸದಸ್ಯರನ್ನು ಹೆಸರಿಸಲಾಗಿದೆ. ಗುರುವಾರವಷ್ಟೇ ವಿವಾದಿತ ಮಸೂದೆ ಮಂಡಿಸಲಾಗಿತ್ತು.