Advertisement
ಬಾಲಿವುಡ್‌ ನಲ್ಲಿ ʼಸಿಂಗಂʼ ,ʼಗೋಲ್‌ ಮಾಲ್‌ʼ ಸರಣಿಯಂತಹ ಹಿಟ್‌ ಸಿನಿಮಾಗಳನ್ನು ನೀಡಿರುವ ರೋಹಿತ್ ಶೆಟ್ಟಿ ಕಾಮಿಡಿ ಜಾನರ್‌, ಬಹು ತಾರಾಗಣ ಇಟ್ಟುಕೊಂಡು ʼಸರ್ಕಸ್‌ʼ ಸಿನಿಮಾ ಮಾಡಿದ್ದಾರೆ. ಮೊದಲ ದಿನವೇ 10 ಸಾವಿರಕ್ಕೂ ಅಧಿಕ ಶೋ ಪ್ರದರ್ಶನಗೊಂಡಿದ್ದು, 3 ಲಕ್ಷಕ್ಕೂ ಅಧಿಕ ಟಿಕೆಟ್‌ಮಾರಾಟವಾಗುವ ಮೂಲಕ ಸಿನಿಮಾಕ್ಕೆ ಭರ್ಜರಿ ಓಪನಿಂಗ್‌ ಸಿಕ್ಕಿದೆ.
Related Articles
Advertisement
ರಣ್ವೀರ್‌ ಸಿಂಗ್ ಅವರ ಇತ್ತೀಚೆಗೆ ಬಂದ ಸಿನಿಮಾಗಳಿಗೆ ಹೋಲಿಸಿದರೆ ಈ ʼಸರ್ಕಸ್‌ʼ ಸಿನಿಮಾದ ಮೊದಲ ದಿನದ ಕಲೆಕ್ಷನ್‌ ತುಸು ಕಡಿಮೆಯೇ. ಆದರೆ ಕ್ರಿಸ್ಮಸ್‌, ಹೊಸ ವರ್ಷದ ದಿನಗಳಲ್ಲಿ ತೆರೆಗೆ ಬಂದಿರುವ ಸಿನಿಮಾದ ಮುಂದಿನ ದಿನಗಳಲ್ಲಿ ಬಾಕ್ಸ್ ಆಫೀಸ್‌ ನಲ್ಲಿ ನಿರೀಕ್ಷೆ ಮಾಡಿದಷ್ಟು ಕಲೆಕ್ಷನ್‌ ಮಾಡಬಹುದು.
ಸಂಜಯ್ ಮಿಶ್ರಾ, ಸಿದ್ಧಾರ್ಥ ಜಾಧವ್, ಪೂಜಾ ಹೆಗ್ಡೆ, ಜಾಕ್ವೆಲಿನ್ ಫರ್ನಾಂಡೀಸ್, ಜಾನಿ ಲಿವರ್, ವರುಣ್ ಶರ್ಮಾ, ಮುಖೇಶ್ ತಿವಾರಿ, ರಾಧಿಕಾ ಬಂಗಿಯಾ, ವ್ರಾಜೇಶ್ ಹಿರ್ಜಿ, ಮುರಳಿ ಶರ್ಮಾ ಮತ್ತು ಅನಿಲ್ ಚರಂಜಿ ಮುಂತಾದವರು ಚಿತ್ರದಲ್ಲಿ ಕಾಣಿಸಿಕೊಂಡಿದ್ದು, ದೀಪಿಕಾ ಪಡುಕೋಣೆ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.