ಕಣ್ಮರೆಯಾಗಿದ್ದ ಚೀನ ಟೆನಿಸ್‌ ಆಟಗಾರ್ತಿ ದಿಢೀರ್‌ ಪ್ರತ್ಯಕ್ಷ!

ಬೀಜಿಂಗ್‌: ನಿಗೂಢವಾಗಿ ಕಣ್ಮರೆಯಾಗಿದ್ದ ಚೀನದ ಟೆನಿಸ್‌ ತಾರೆ ಫೆಂಗ್‌ ಶುಯಿ ರವಿವಾರ ಬೀಜಿಂಗ್‌ ಟೆನಿಸ್‌ ಪಂದ್ಯಾವಳಿಯಲ್ಲಿ ಪ್ರತ್ಯಕ್ಷರಾಗಿದ್ದಾರೆ.

ಕೂಟದ ಅಧಿಕೃತ ಫೋಟೊ ಮತ್ತು ವೀಡಿಯೋಗಳಿಂದ ತಿಳಿದು ಬಂದಿದೆ.

ಕಳೆದ ಎರಡು ವಾರಗಳಿಂದ ಕಣ್ಮರೆಯಾಗಿದ್ದ ಫೆಂಗ್‌ ಶುಯಿ ಅವರ ಯೋಗಕ್ಷೇಮದ ಕುರಿತ ಮಾಹಿತಿಗಾಗಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚೀನದ ಮೇಲೆ ಒತ್ತಡ ಹೆಚ್ಚಾಗಿತ್ತು. ಇದೀಗ ಚೀನ ನಿಟ್ಟುಸಿರೆಳೆದಿದೆ.

ಫಿಲಾ ಕಿಡ್ಸ್‌ ಜೂನಿಯರ್‌ ಟೆನಿಸ್‌ ಚಾಲೆಂಜರ್ ಫೈನಲ್ಸ್‌ ನಲ್ಲಿ ಫೆಂಗ್‌ ಶುಯಿ ಹಾಜರಾಗಿರುವ ಫೋಟೊವನ್ನು ಚೀನ ಓಪನ್‌ ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಿದೆ.

ಇದನ್ನೂ ಓದಿ:ಈಡನ್‌ನಲ್ಲಿ ಈಡೇರಿತು ಕ್ಲೀನ್‌ ಸ್ವೀಪ್‌ ಯೋಜನೆ

ಕಮ್ಯುನಿಸ್ಟ್‌ ಪಕ್ಷದ ಪ್ರಭಾವಿ ನಾಯಕ ಝಾಂಗ್‌ ಗವೊಲಿ ತಮ್ಮ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದರೆಂದು ಎಂದು ಫೆಂಗ್‌ ಶುಯಿ ಆರೋಪಿಸಿದ್ದರು. ಈ ಆರೋಪದ ಬಳಿಕ ಅವರು ನಿಗೂಢವಾಗಿ ಕಣ್ಮರೆಯಾಗಿದ್ದರು. ಬಳಿಕ ಈ ವಿಚಾರ ಜಾಗತಿಕ ಮಟ್ಟದಲ್ಲಿ ಚರ್ಚೆಗೆ ಗ್ರಾಸವಾಗಿತ್ತು. ಅವರ ಯೋಗ ಕ್ಷೇಮದ ಬಗ್ಗೆ ಜೋಕೊವಿಕ್‌, ಒಸಾಕಾ ಸೆರೆನಾ ವಿಲಿಯಮ್ಸ್‌ ಮತ್ತಿತರ ಟೆನಿಸ್‌ ಆಟಗಾರರು ಹಾಗೂ ಅಂತಾರಾಷ್ಟ್ರೀಯ ಟೆನಿಸ್‌ ಫೆಡರೇಶನ್‌ ಆತಂಕ ವ್ಯಕ್ತಪಡಿಸಿತ್ತು.