Advertisement
ಸದ್ಯ ಬೆಂಗಳೂರು ಸೋಂಕು ಪ್ರಕರಣಗಳ ಪಟ್ಟಿಯಲ್ಲಿ ದೇಶದಲ್ಲಿಯೇ ಮೂರನೇ ಸ್ಥಾನದಲ್ಲಿರಬಹುದು. ಆದರೆ, ಮಅಕ್ಟೋಬರ್ನಿಂದೀಚೆಗೆ ಬೆಂಗಳೂರಿನಲ್ಲಿ ಪ್ರಕರಣಗಳ ತೀವ್ರತೆ ಭಾರೀ ಪ್ರಮಾಣದಲ್ಲಿ ಹೆಚ್ಚಳವಾಗಿದೆ. ಅ.1 ರಿಂದ 7 ರ ನಡುವೆ ಬೆಂಗಳೂರಿನಲ್ಲಿ 29,578 ಮಂದಿಗೆ ಸೋಂಕು ತಗುಲಿದೆ. ಅಂದರೆ ನಿತ್ಯ ಸರಾಸರಿ 4,225 ಮಂದಿ ಸೋಂಕಿತರಾಗಿದ್ದಾರೆ. ಇದೇ ಅವಧಿಯಲ್ಲಿ ನಿತ್ಯ ಸರಾಸರಿ ಪೂನಾದಲ್ಲಿ 2,195, ಮುಂಬೈನಲ್ಲಿ 2099, ದೆಹಲಿಯಲ್ಲಿ 3,111 ಮಂದಿಯಲ್ಲಿ ಸೋಂಕು ಪತ್ತೆಯಾಗಿದೆ. ಈ ಮೂಲಕ ಕೋವಿಡ್ ಸೋಂಕು ಪ್ರಕರಣಗಳಲ್ಲಿ ದೇಶದ ಎಲ್ಲಾ ಮಹಾನಗರಗಳನ್ನು ಬೆಂಗಳೂರು ಮೀರಿಸಿದೆ.
Related Articles
Advertisement
ಸದ್ಯ ಅತಿ ಹೆಚ್ಚು ಸೋಂಕಿತರು ಬೆಂಗಳೂರಿನಲ್ಲಿದ್ದಾರೆ!: ನಿರಂತರ ಗುಣಮುಖರ ಸಂಖ್ಯೆಗಿಂತಲೂ ಸೋಂಕು ಪ್ರಕರಣಗಳ ಹೆಚ್ಚಾದ ಹಿನ್ನೆಲೆ ಬೆಂಗಳೂರಿನ ಸಕ್ರಿಯ ಪ್ರಕರಣಗಳ ಪಟ್ಟಿಯಲ್ಲಿ ದೇಶದಲ್ಲಿಯೇ ಮೊದಲ ಸ್ಥಾನಕ್ಕೇ ತಲುಪಿದೆ. ಅಂದರೆ, ಸದ್ಯ ದೇಶದಲ್ಲಿಯೇ ಅತಿಹೆಚ್ಚು ಪಾಸಿಟಿವ್ ಪ್ರಕರಣ ಇಲ್ಲಿವೆ. ಮಂಗಳವಾರ ದವರೆಗೂ ಪೂನಾ ಮೊದಲ ಸ್ಥಾನದಲ್ಲಿತ್ತು. ಆದರೆ, ಬುಧವಾರ ದೇಶದಲ್ಲಿಯೇ ಅತಿ ಹೆಚ್ಚು ಪ್ರಕರಣ ಬೆಂಗಳೂರಿನಲ್ಲಿ ವರದಿ ಯಾದ ಪರಿಣಾಮ ಸಕ್ರಿಯ ಪ್ರಕರಣಗಳ ಸಂಖ್ಯೆ 58624 ಸಾವಿರಕ್ಕೆ ತಲುಪಿದೆ. ಪೂನಾ 57926 ಪ್ರಕರಣಗಳೊಂದಿಗೆ2ನೇ ಸ್ಥಾನಕ್ಕೆ ಇಳಿಕೆಯಾಗಿದೆ.
ಒಂದೇ ದಿನ 35 ಸಾವಿರ ಸೋಂಕು ಪಾಲಿಕೆ ಬುಧವಾರ ಒಂದೇ ದಿನ 35 ಸಾವಿರ ಜನರನ್ನು ಸೋಂಕು ಪರೀಕ್ಷೆಗೆ ಒಳಪಡಿಸಿದೆ. ಕಳೆದ 10ದಿನಗಳಿಂದ ನಗರದಲ್ಲಿ ಸೋಂಕು ಪರೀಕ್ಷೆ ಪ್ರಮಾಣ ಹೆಚ್ಚಿಸಲಾಗಿದೆ. ಆದರೆ, ಇದೇ ಮೊದಲ ಒಂದೇ ದಿನ 35 ಸಾವಿರ ಜನರಿಗೆ ಸೋಂಕು ಪರೀಕ್ಷೆ ನಡೆಸಲಾಗಿದೆ. ಬುಧವಾರ 35,183 ಮಂದಿ ಯನ್ನು ಪರೀಕ್ಷೆಗೆ ಒಳಪಡಿಸಲಾಗಿದೆ. ಈ ಪೈಕಿ25,053 ಆರ್ಟಿಪಿಸಿಆರ್, 10,130 ರ್ಯಾಪಿಡ್ ಆ್ಯಂಟಿಜೆನ್ ಪರೀಕ್ಷೆ ನಡೆಸಲಾಗಿದೆ ಎಂದು ಪಾಲಿಕೆ ಆರೋ ಗ್ಯಾಧಿ ಕಾರಿಗಳು ತಿಳಿಸಿದ್ದಾರೆ. ಪ್ರತಿಕ್ರಿಯಿಸಿದ ಬಿಬಿಎಂಪಿ ಆಯುಕ್ತ ಎನ್. ಮಂಜುನಾಥ ಪ್ರಸಾದ್, ಮೃತರ ಪ್ರಮಾಣ ಶೇ.1ಕ್ಕಿಂತ ಕಡಿಮೆ ಮಾಡುವ ಉದ್ದೇಶದಿಂದ ಹೆಚ್ಚು ಪರೀಕ್ಷೆ ಮಾಡಲಾಗುತ್ತಿದೆ ಎಂದರು. ಮಹಾನಗರಗಳ ಪೈಕಿ ಬೆಂಗಳೂರಲ್ಲೇ ಹೆಚ್ಚು ವೈರಸ್! ಅ. 1ರಿಂದ 7 ರ ನಡುವೆ 29,578 ಮಂದಿಗೆ ಸೋಂಕು
ಮಹಾನಗರ | ಸೋಂಕು ಪ್ರಕರಣ | ಸಾವು ಪ್ರಕರಣ | ಸಕ್ರಿಯ ಪ್ರಕರಣ |
ಬೆಂಗಳೂರು | 29,578 | 254 | 58624 |
ದೆಹಲಿ | 21,782 | 255 | 22186 |
ಪೂನಾ | 15,370 | 260 | 57926 |
ಮುಂಬೈ | 14,693 | 276 | 26544 |