Election Campaign: ಪ್ರಚಾರ ವೇಳೆ ಸುಷ್ಮಾ ಪುತ್ರಿ, ಬಿಜೆಪಿ ಅಭ್ಯರ್ಥಿ ಬಾನ್ಸುರಿಗೆ ಗಾಯ

ಹೊಸದಿಲ್ಲಿ: ಚುನಾವಣ ಪ್ರಚಾರ ವೇಳೆ ದಿ.ಸುಷ್ಮಾ ಸ್ವರಾಜ್‌ ಪುತ್ರಿ, ಹೊಸದಿಲ್ಲಿ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಬಾನ್ಸುರಿ ಸ್ವರಾಜ್‌ ಅವರ ಕಣ್ಣಿಗೆ ಗಾಯವಾಗಿದೆ.

ಈ ಬಗ್ಗೆ ಟ್ವೀಟರ್‌ನಲ್ಲಿ ಫೋಟೋ ಹಂಚಿ ಕೊಂಡಿರುವ ಬಾನ್ಸುರಿ, ಮಂಗಳವಾರ ಸ್ವಕ್ಷೇತ್ರದಲ್ಲಿ ಪ್ರಚಾರ ಮಾಡುವ ವೇಳೆ ತಮ್ಮ ಎಡಗಣ್ಣಿಗೆ ಸಣ್ಣ ಮಟ್ಟದ ಗಾಯವಾಗಿದ್ದು, ಚಿಕಿತ್ಸೆ ಪಡೆದಿರುವುದಾಗಿ ಹೇಳಿದ್ದಾರೆ.

ಇದೇ ವೇಳೆ, ಗಾಯದ ನಡುವೆಯೂ ಬಾನ್ಸುರಿ ಅವರು ತಮ್ಮ ಕಣ್ಣಿಗೆ ಬ್ಯಾಂಡೇಜ್‌ ಧರಿಸಿ ಬುಧವಾರ ಚುನಾವಣ ಪ್ರಚಾರದಲ್ಲಿ ತೊಡಗಿದ್ದು ಕಂಡುಬಂದಿದೆ.