IPL: ಇಂಪ್ಯಾಕ್ಟ್ ಪ್ಲೇಯರ್‌ ನಿಯಮಕ್ಕೆ ಅಕ್ಷರ್‌ ಪಟೇಲ್‌ ಕೂಡ ವಿರೋಧ

ಹೊಸದಿಲ್ಲಿ: ಐಪಿಎಲ್‌ನಲ್ಲಿ ಬಳಕೆಯಾಗುತ್ತಿರುವ ಇಂಪ್ಯಾಕ್ಟ್ ಪ್ಲೇಯರ್‌ ನಿಯಮದಿಂದಾಗಿ ಆಲ್‌ರೌಂಡರ್‌ಗಳ ಪಾತ್ರ ಅಪಾಯದಲ್ಲಿದೆ ಎಂದು ಡೆಲ್ಲಿ ತಂಡದ ಆಲ್‌ರೌಂಡರ್‌ ಅಕ್ಷರ್‌ ಪಟೇಲ್‌ ಹೇಳಿದ್ದಾರೆ.

ಈ ಮೂಲಕ ರೋಹಿತ್‌ ಶರ್ಮ, ಆ್ಯಡಂ ವೋಗ್ಸ್‌ ಬಳಿಕ ಅಕ್ಷರ್‌ ಸಹ ವಿರೋಧ ವ್ಯಕ್ತಪಡಿಸಿದ್ದಾರೆ.

ಇಂಪ್ಯಾಕ್ಟ್ ಪ್ಲೇಯರ್‌ ನಿಯಮ ಆಲ್‌ರೌಂಡರ್‌ಗಳಿಗೆ ತೊಂದರೆ ಉಂಟು ಮಾಡುತ್ತಿದೆ ಎಂದು ಒಬ್ಬ ಆಲ್‌ರೌಂಡರ್‌ ಆಗಿ ನಾನು ಹೇಳಬಲ್ಲೆ. ಈ ನಿಯಮವಿಲ್ಲದಿದ್ದರೆ ಪ್ರತಿ ತಂಡವೂ 6 ಜನ ಬೌಲರ್‌ ಮತ್ತು 6 ಮಂದಿ ಬ್ಯಾಟರ್‌ಗಳೊಂದಿಗೆ ಕಣಕ್ಕಿಳಿಯಲು ಬಯಸುತ್ತದೆ. ಇದರಲ್ಲಿ ಒಬ್ಬ ಆಲ್‌ರೌಂಡರ್‌ ಆಗಿರುತ್ತಾರೆ. ಈ ನಿಯಮ ಇರುವುದರಿಂದ ತಂಡಗಳು ಹೆಚ್ಚುವರಿ ಬ್ಯಾಟರ್‌ ಅಥವಾ ಬೌಲರ್‌ಗಳನ್ನು ಬಳಕೆ ಮಾಡಿಕೊಳ್ಳುತ್ತವೆ ಎಂದು ಅವರು ಹೇಳಿದ್ದಾರೆ.