Average Income: ದೇಶದ ಗ್ರಾಮ ಪಂಚಾಯ್ತಿ ಆದಾಯ ಕೇವಲ 59 ಮಾತ್ರ

ನವದೆಹಲಿ: ಗ್ರಾಮ ಪಂಚಾಯಿತಿಗಳಿಗೆ ತನ್ನದೇ ಮೂಲಗಳಿಂದ ಸೃಷ್ಟಿಯಾಗುವ ಆದಾಯದ ಪ್ರಮಾಣದಲ್ಲಿ ಭಾರಿ ಕುಸಿತ ಕಂಡಿದೆ. ಸರ್ಕಾರ ನೀಡಿರುವ ದತ್ತಾಂಶಗಳ ಪ್ರಕಾರ ಪ್ರತಿ ಗ್ರಾಮಪಂಚಾಯಿತಿಯ ಸರಾಸರಿ ಆದಾಯ ಕೇವಲ 59 ರೂ. ಆಗಿದೆ.

2017ರಿಂದ 2022ರವರೆಗೆ 5 ವರ್ಷಗಳಲ್ಲಿ ಗ್ರಾಮ ಪಂಚಾಯತ್‌ಗಳು ಗಳಿಸಿರುವ ಆದಾಯವನ್ನು ಆಧರಿಸಿ ಈ ವರದಿ ತಯಾರಿಸಲಾಗಿದ್ದು, 627.56 ಕೋಟಿ ರೂ. ಆದಾಯ ಗಳಿಸಿರುವ ಕರ್ನಾಟಕ 4ನೇ ಸ್ಥಾನದಲ್ಲಿದೆ. 829.75 ಕೋಟಿ ರೂ. ಆದಾಯ ಗಳಿಸಿರುವ ಗುಜರಾತ್‌ ಮೊದಲ ಸ್ಥಾನದಲ್ಲಿದ್ದು, ಕೇರಳ (802.72 ಕೋಟಿ), ಆಂಧ್ರಪ್ರದೇಶ (791.93 ಕೋಟಿ) ನಂತರದ 2 ಸ್ಥಾನದಲ್ಲಿವೆ.

ದೇಶದಲ್ಲಿರುವ 2.25 ಲಕ್ಷ ಗ್ರಾಮ ಪಂಚಾಯತ್‌ಗಳು ಈ 5 ವರ್ಷಗಳಲ್ಲಿ ತಲಾ 2.27 ಲಕ್ಷ ರೂ. ಗಳಿಕೆ ಮಾಡಿದ್ದು, ಇವುಗಳ ಒಟ್ಟಾರೆ ಜನಸಂಖ್ಯೆ 86.95 ಕೋಟಿಯಷ್ಟಿದೆ. ಪಂಚಾಯತ್‌ಗಳು ತಮ್ಮ ಆದಾಯವನ್ನು ಹೆಚ್ಚಿಸಿಕೊಳ್ಳಲು ತೆರಿಗೆಗಳು, ಸುಂಕಗಳು, ಟೋಲ್‌ಗ‌ಳು ಮತ್ತು ಶುಲ್ಕಗಳನ್ನು ವಿಧಿಸಲು ಅಧಿಕಾರ ನೀಡಬೇಕು. ಇದು ಸ್ಥಳೀಯ ಸರ್ಕಾರವನ್ನು ಬಲಪಡಿಸಲು ನೆರವಾಗುತ್ತದೆ ಎನ್ನಲಾಗಿದೆ.