ಅಜರ್‌ಬೈಜಾನ್‌ ಚಿಕಿತ್ಸಾಲಯದಲ್ಲಿ ಭಾರೀ ಬೆಂಕಿ: 30 ಸಾವು

ಬಾಕು, ಅಜರ್‌ಬೈಜಾನ್‌ : ಅಜರ್‌ಬೈಜಾನ್‌ ರಾಜಧಾನಿಯಾಗಿರುವ ಬಾಕುವಿನಲ್ಲಿ ಮಾದಕ ದ್ರವ್ಯ ವ್ಯಸನಿಗಳ ಪುನರ್‌ವಸತಿ ಚಿಕಿತ್ಸಾಲಯದಲ್ಲಿ ಇಂದು ಶುಕ್ರವಾರ ನಸುಕಿನ ವೇಳೆ ಉಂಟಾದ ಭಾರೀ ಅಗ್ನಿ ಅವಘಡದಲ್ಲಿ ಕನಿಷ್ಠ 30 ಮಂದಿ ಮೃತಪಟ್ಟಿರುವುದಾಗಿ ವರದಿಯಾಗಿದೆ. 

ಸಮರೋಪಾದಿಯ ಕಾರ್ಯಾಚರಣೆ ಕೈಗೊಂಡ ಅಗ್ನಿಶಾಮಕಗಳು ಬೆಂಕಿಯನ್ನು ಸಂಪೂರ್ಣವಾಗಿ ನಂದಿಸಿವೆ. ಆದರೆ 30 ಜೀವಗಳು ಅದಾಗಲೇ ಬೆಂಕಿಗೆ ಆಹುತಿಯಾದವು ಎಂದು ಎಪಿಎ ಸುದ್ದಿ ಸಂಸ್ಥೆ ವರದಿ ಮಾಡಿದೆ. 

ಬೆಂಕಿ ಅವಘಡಕ್ಕೆ ಕಾರಣವೇನೆಂಬುದು ಇನ್ನೂ ಗೊತ್ತಾಗಿಲ್ಲ; ಆ ಬಗ್ಗೆ ತನಿಖೆಗೆ ಆದೇಶಿಸಲಾಗಿದೆ.