ಅಂಡರ್‌-19 ಕ್ರಿಕೆಟ್‌: ಅರ್ಜುನ್‌ ತೆಂಡುಲ್ಕರ್‌ ಆಯ್ಕೆ

ಮುಂಬಯಿ: ಮಾಸ್ಟರ್‌ ಬ್ಲಾಸ್ಟರ್‌ ಸಚಿನ್‌ ತೆಂಡುಲ್ಕರ್‌ ಅವರ ಪುತ್ರ ಅರ್ಜುನ್‌ ತೆಂಡುಲ್ಕರ್‌ ಮುಂಬರುವ ಶ್ರೀಲಂಕಾ ಸರಣಿಗಾಗಿ ಭಾರತದ ಅಂಡರ್‌-19 ತಂಡಕ್ಕೆ ಆಯ್ಕೆಯಾಗಿದ್ದಾರೆ. 

ಜುಲೈ ತಿಂಗಳಲ್ಲಿ ಭಾರತದ ಅಂಡರ್‌-19 ಕ್ರಿಕೆಟ್‌ ತಂಡ ಶ್ರೀಲಂಕಾ ಪ್ರವಾಸಗೈಯಲಿದ್ದು, 2 ಚತುರ್ದಿನ ಪಂದ್ಯ ಹಾಗೂ 5 ಏಕದಿನ ಪಂದ್ಯಗಳನ್ನು ಆಡಲಿದೆ.  ಚತುರ್ದಿನ ಪಂದ್ಯದಲ್ಲಿ ತಂಡವನ್ನು ದಿಲ್ಲಿ ವಿಕೆಟ್‌ ಕೀಪರ್‌ ಅನೂಜ್‌ ರಾವತ್‌ ಮುನ್ನಡೆಸಲಿದ್ದಾರೆ. ಏಕದಿನ ತಂಡಕ್ಕೆ ಉತ್ತರ ಪ್ರದೇಶದ ಆರ್ಯನ್‌ ನಾಯಕರಾಗಿದ್ದಾರೆ. 18 ವರ್ಷದ ಅರ್ಜುನ್‌ ತೆಂಡುಲ್ಕರ್‌ ಆಲ್‌ರೌಂಡರ್‌ ಆಗಿದ್ದು, ಭರವಸೆ ಮೂಡಿಸಿದ್ದಾರೆ.