6 ನಿಗಮಗಳಿಗೆ ಹನ್ನೊಂದು ನಿರ್ದೇಶಕರ ನೇಮಕ: ಸಿಎಂ ತವರು ಹಾವೇರಿ ಜಿಲ್ಲೆಗೆ ಬಂಪರ್‌

ಬೆಂಗಳೂರು: ವಿಧಾನಸಭೆ ಚುನಾವಣೆ ಚುನಾವಣೆ ಅಧಿಸೂಚನೆಗೆ ದಿನಗಣನೆ ಬೆನ್ನಲ್ಲೇ ರಾಜ್ಯ ಸರ್ಕಾರ ಆರು ನಿಗಮಗಳಿಗೆ ಹನ್ನೊಂದು ನಿರ್ದೇಶಕರ ನೇಮಕಗೊಳಿಸಿ ಆದೇಶ ಹೊರಡಿಸಿದೆ.

ಹಿಂದುಳಿದ ವರ್ಗಗಳ ಕಲ್ಯಾಣ ಇಲಾಖೆ ವ್ಯಾಪ್ತಿಯಡಿ ಬರುವ ಆರು ನಿಗಮಗಳಿಗೆ ಮುಖ್ಯಮಂತ್ರಿಯವರ ತವರು ಹಾವೇರಿ ಜಿಲ್ಲೆಯವರನ್ನು ನೇಮಿಸಲಾಗಿದೆ.

ರಾಘವೇಂದ್ರ ಭರಮಪ್ಪ- ದೇವರಾಜ ಅರಸು ಹಿಂದುಳಿದ ವರ್ಗಗಳ ಅಭಿವೃದ್ಧಿ ನಿಗಮ, ಚಿದಾನಂದ ಬಡಿಗೇರ ಮತ್ತು ಓಂಕಾರ-ವಿಶ್ವಕರ್ಮ ಅಭಿವೃದ್ಧಿ ನಿಗಮ, ವಿನಾಯಕ ಯಲ್ಲಪ್ಪ ಶಿಂಧೆ ಮತ್ತು ನಾರಾಯಣ ಪವಾರ- ಮರಾಠ ಅಭಿವೃದ್ಧಿ ನಿಗಮ,-ರುದ್ರಪ್ಪ ಹಡಪದ-ಸವಿತಾ ಸಮಾಜ ಅಭಿವೃದ್ಧಿ ನಿಗಮ, ಪಾಂಡುರಂಗ ಶಂಕರರಾವ್‌ ಮತ್ತು ತಿಪ್ಪಣ್ಣ ಯಲ್ಲಪ್ಪ-ಅಲೆಮಾರಿ/ಅರೆ ಅಲೆಮಾರಿ ಅಭಿವೃದ್ಧಿ ನಿಗಮ, ರಾಮಚಂದ್ರ ಹನುಮಂತಪ್ಪ, ಕೃಷ್ಣಪ್ಪ ಸುಣಗಾರ್‌ ಮತ್ತು ಬಸವರಾಜ್‌ ಫ‌ಕೀರಪ್ಪ- ನಿಜಶರಣ ಅಂಬಿಗರ ಚೌಡಯ್ಯ ಅಭಿವೃದ್ಧಿ ನಿಗಮ.