ರಾಹುಲ್‌ ಗಾಂಧಿ ದ್ವೇಷ ಹರಡುವ ಸುಳ್ಳುಗಾರ: ಅಮಿತ್‌ ಶಾ ಟೀಕೆ

ಹೊಸದಿಲ್ಲಿ : ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಅವರು ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ ಅವರನ್ನು “ಸಮಾಜದಲ್ಲಿ  ದ್ವೇಷ ಹರಡುವ ಓರ್ವ ಸುಳ್ಳುಗಾರ’ ಎಂದು ಟೀಕಿಸಿದ್ದಾರೆ.

ರಾಹುಲ್‌ ಗಾಂಧಿ ಅವರು ತಮ್ಮ  ಈಚಿನ ಸಾರ್ವಜನಿಕ ಚುನಾವಣಾ ಪ್ರಚಾರ ಭಾಷಣದಲ್ಲಿ “ದೇಶದಲ್ಲಿ ದಲಿತರ ಮೇಲಿನ ದೌರ್ಜನ್ಯ ಹೆಚ್ಚುತ್ತಿದೆ; ಎಸ್‌ಸಿ/ಎಸ್‌ಟಿ ಕಾಯಿದೆಯನ್ನು ರದ್ದು ಮಾಡಲಾಗುತ್ತಿದೆ’ ಎಂದು ಹೇಳಿರುವ ವಿಡಿಯೋ ಚಿತ್ರಿಕೆಯ ತುಣಕನ್ನು ಅಮಿತ್‌ ಶಾ ಜನರ ಮುಂದಿಟ್ಟಿದ್ದಾರೆ. 

“ಸುಳ್ಳು, ಬರೀ ಸುಳ್ಳು; ಎಸ್‌ಸಿ/ಎಸ್‌ಟಿ ಕಾಯಿದೆಯ ಬಗ್ಗೆ ರಾಹುಲ್‌ ಗಾಂಧಿ ಸುಳ್ಳು ಹೇಳುತ್ತಾ ಸಮಾಜದಲ್ಲಿ ದ್ವೇಷವನ್ನು ಹರಡುತ್ತಿದ್ದಾರೆ’ ಎಂದು ಅಮಿತ್‌ ಶಾ ಖಂಡಿಸಿದ್ದಾರೆ. 

ಎಸ್‌ಸಿ/ಎಸ್‌ಟಿ ಕಾಯಿದೆ ಕುರಿತಾದ ಸುಪ್ರೀಂ ಕೋರ್ಟ್‌ ಆದೇಶದ ಮರು ವಿಮರ್ಶೆ ಕೋರಿ ನಾವು ಅರ್ಜಿ ಸಲ್ಲಿಸಲಿದ್ದೇವೆ ಎಂದು ಹೇಳಿದ ಹೊರತಾಗಿಯೂ ನಡೆಸಲಾದ ಭಾರತ್‌ ಬಂದ್‌ಗೆ 10 ಅಮಾಯಕರು ಬಲಿಯಾಗಿರುವುದಕ್ಕೆ ಕಾಂಗ್ರೆಸ್‌ ಹೊಣೆಗಾರನಾಗಿದೆ ಎಂದು ಅಮಿತ್‌ ಶಾ ದೂರಿದರು.