ಅಮೆರಿಕ ಶೂಟ್‌ಔಟ್‌: ಮಹಿಳೆ ಸಹಿತ 3 ಬಲಿ

ವಾಷಿಂಗ್ಟನ್‌: ಐಸಿಸ್‌ ಸಂಘಟನೆಯಿಂದ ಪ್ರೇರಿತ ಪಿಕ್‌ಅಪ್‌ ವಾಹನವೊಂದನ್ನು ಮನಸೋ ಇಚ್ಛೆ ಓಡಿಸಿ ಎಂಟು ಮಂದಿ ಹತ್ಯೆಗೈದ ಬೆನ್ನಲ್ಲೇ  ಅಮೆರಿಕವನ್ನು ಬೆಚ್ಚಿಬೀಳಿಸುವ ಇನ್ನೊಂದು ಘಟನೆ ನಡೆದಿದೆ. ಅಪರಿಚಿತ ವ್ಯಕ್ತಿಯೋರ್ವ ಗುಂಡಿನ ದಾಳಿ ನಡೆಸಿ ಮೂವರನ್ನು ಬಲಿ ಪಡೆದ ಘಟನೆ ಕೊಲೆರಾಡೋ ವಾಲ್‌ಮಾರ್ಟ್‌ ಮಳಿಗೆಯಲ್ಲಿ ನಡೆದಿದೆ. ಘಟನೆಯಲ್ಲಿ ಮಹಿಳೆ ಸಹಿತ ಮೂವರು ಮೃತಪಟ್ಟಿದ್ದಾರೆ. 

ಟ್ರಂಪ್‌ ಗರಂ: ಐಸಿಸ್‌ ಉಗ್ರ ನಡೆಸಿದ ದಾಳಿಗೆ ಸಂಬಂಧಿಸಿ ಪ್ರತಿಕ್ರಿಯಿಸಿರುವ ಅಮೆರಿಕ ಅಧ್ಯಕ್ಷ ಟ್ರಂಪ್‌, “ಬಂಧಿತ ಉಜ್ಬೇಕಿಸ್ಥಾನದ ವಲಸಿಗ ಸಾಯ್‌ಫ‌ುಲ್ಲೋ ಸೈಫೋವ್‌ಗೆ ಗಲ್ಲು ಶಿಕ್ಷೆ ನೀಡಬೇಕು. ಕೂಡಲೇ ಆತನನ್ನು ಗ್ವಾಂಟನಾಮೋ ಬೇನಲ್ಲಿರುವ ಉಗ್ರರ ಜೈಲಿಗೆ ದಬ್ಬಿ’ ಎಂದಿದ್ದಾರೆ.