ಉ.ಕೊರಿಯಾ ವಿರುದ್ಧ ಚೀನಾ ಕ್ರಮ

ಬೀಜಿಂಗ್‌: ಪರಮಾಣು, ಹೈಡ್ರೋಜನ್‌ ಬಾಂಬ್‌ ಪರೀಕ್ಷಿಸಿ ವಿಶ್ವಕ್ಕೆ ಖಳನಾಯಕನಾಗಿರುವ ಉತ್ತರ ಕೊರಿಯಾ ವಿರುದ್ಧ ಅದರ ಪರಮಾಪ್ತ ರಾಷ್ಟ್ರ ಚೀನಾವೇ ಕಠಿಣ ಕ್ರಮಕ್ಕೆ ಮುಂದಾಗಿದೆ.

ಮುಂದಿನ ಜನವರಿ ಒಳಗಾಗಿ ದೇಶದಲ್ಲಿರುವ ಉತ್ತರ ಕೊರಿಯಾದ ಕಂಪನಿಗಳು ಮುಚ್ಚಬೇಕೆಂದು ಚೀನಾ ಆದೇಶಿಸಿದೆ. ಚೀನಾ ಕಂಪನಿಗಳ ಜತೆ ಪಾಲುದಾರಿಕೆ ಇರುವ ಉ.ಕೊರಿಯಾ ಕಂಪನಿಗಳಿಗೂ ವಿನಾಯಿತಿ ನೀಡಲಾಗಿಲ್ಲ. ಸೆ.11ರಂದು ವಿಶ್ವ ಸಂಸ್ಥೆ ಉತ್ತರ ಕೊರಿಯಾ ವಿರುದ್ಧ  ದಿಗ್ಬಂಧನ ವಿಧಿಸಿ 120 ದಿನಗಳು ಪೂರ್ಣಗೊಳ್ಳುತ್ತಲೇ ನಿಯಮ ಜಾರಿಗೆ ಬರುತ್ತದೆ ಎಂದು ಚೀನಾ ವಾಣಿಜ್ಯ ಸಚಿವಾ ಲಯ ತಾಕೀತು ಮಾಡಿದೆ.

ರಷ್ಯಾ ಸೇನೆ ರವಾನೆ: ಈ ನಡುವೆ ರಷ್ಯಾ ಅಧ್ಯಕ್ಷ ವ್ಲಾದಿಮಿರ್‌ ಪುಟಿನ್‌ ಚೀನಾ, ಉತ್ತರ ಕೊರಿಯಾ ಗಡಿಗೆ ಸೇನೆ ಕಳುಹಿಸಿಕೊಡಲು ಆದೇಶಿಸಿದ್ದಾರೆ. ರಷ್ಯಾದ ಆಗ್ನೇಯ ಭಾಗದ ಖಸನ್‌ ಎಂಬಲ್ಲಿರುವ ಝಯೋರ್ನಾಯಾ ಪರ್ವತ ಪ್ರದೇಶದ ಬಳಿಗೆ ಸೇನೆ ರವಾನಿಸಲಾಗಿದೆ.