20 ವರ್ಷದ ನಂತರ ಬಗ್ರಾಮ್‌ ತೊರೆಯಲಿದೆ ಅಮೆರಿಕ ಸೇನೆ!

ಬಗ್ರಾಮ್‌ (ಅಫ್ಘಾನಿಸ್ತಾನ): 2001ರಲ್ಲಿ ಅಮೆರಿಕದ ಅತ್ಯುನ್ನತ ಕಟ್ಟಡಗಳಾದ ಪೆಂಟಗನ್‌ ಮತ್ತು ಡಬ್ಲೂಟಿಒಗಳು, ಅಲ್‌ಖೈದಾ ಉಗ್ರರ ಆತ್ಮಾಹುತಿ ದಾಳಿಯಿಂದ ಧರೆಗುರುಳಿದ್ದವು. ಅಲ್ಲಿಂದ ಅಫ್ಘಾನಿಸ್ತಾನದ ತಾಲಿಬಾನ್‌ ಉಗ್ರರ ಸ್ಥಿತಿ ಬಿಗಡಾಯಿಸಿತು. ಆ ದೇಶಾದ್ಯಂತ ಸೇನಾನೆಲೆಗಳನ್ನು ಸ್ಥಾಪಿಸಿದ ಅಮೆರಿಕ ಎರಡು ದಶಕಗಳ ಕಾಲ ದೇಶವನ್ನು ಹಿಡಿತಕ್ಕೆ ಪಡೆದಿತ್ತು. ಇದೀಗ ಅಮೆರಿಕ ಸೇನೆ ವಾಪಸ್‌ ಹೊರಟಿದೆ. ಜು.4ರಂದು ಅಫ್ಘಾನಿಸ್ತಾನವನ್ನು ಸಂಪೂರ್ಣವಾಗಿ ತೊರೆಯಲಿದೆ. ಈ ಪೈಕಿ ಅಮೆರಿಕ ಸೇನೆಗೆ ಆಶ್ರಯ ನೀಡಿದ ಪ್ರಮುಖ ನೆಲೆ ಬಗ್ರಾಮ್‌. ಇದು ಬಗ್ರಾಮ್‌ ಏರ್‌ಫೀಲ್ಡ್‌ ಎಂದೇ ಖ್ಯಾತವಾಗಿದೆ.

ಕಾಬೂಲ್‌ನ ಉತ್ತರ ಭಾಗದಲ್ಲಿ ಒಂದು ಗಂಟೆ ಪ್ರಯಾಣಿಸಿದರೆ, ಈ ಸಣ್ಣ ನಗರ ಸಿಗುತ್ತದೆ. ಬೇಲಿ ಮತ್ತು ಬೃಹತ್‌ ಗೋಡೆಗಳ ನಡುವೆ ಇದುವರೆಗೆ ಬಂಧಿಯಾಗಿತ್ತು! ಅತ್ಯಾಧುನಿಕ ಶಸ್ತ್ರಾಸ್ತ್ರಗಳನ್ನು, ವಿಮಾನಗಳನ್ನು ಇಲ್ಲಿ ಅಮೆರಿಕ ನೆಲೆಗೊಳಿಸಿತ್ತು.

ಇದನ್ನೂ ಓದಿ :Online ಬೆಟ್ಟಿಂಗ್‌ ನಿಷೇಧ ವಿಚಾರ : ಸರ್ಕಾರದ ವಿಳಂಬ ನೀತಿಗೆ ಹೈಕೋರ್ಟ್‌ ಅಸಮಧಾನ

ಇದೀಗ ಬಗ್ರಾಮನ್ನು ಬಿಟ್ಟು ಅಮೆರಿಕ ಯೋಧರು ಹೊರಹೊರಟಿದ್ದಾರೆ. ಮುಂದಿನ ದಿನಗಳಲ್ಲಿ ಭಾರೀ ಸೇನಾ ಕಾರ್ಯಾಚರಣೆಯ ಕೇಂದ್ರಬಿಂದುವಾಗಿ ಇದು ಉಳಿದುಕೊಳ್ಳಲಿದೆ.