ಶಾರ್ಜಾ: ಪಾಕಿಸ್ಥಾನದ ನಿವೃತ್ತ ಕ್ರಿಕೆಟಿಗ ಶಾಹಿದ್‌ ಆಫ್ರಿದಿ ಮತ್ತೆ ಸುದ್ದಿಯಲ್ಲಿದ್ದಾರೆ. ಶಾರ್ಜಾದಲ್ಲಿ ನಡೆದ ಟಿ10 ಕ್ರಿಕೆಟ್‌ ಪಂದ್ಯವೊಂದರಲ್ಲಿ ಅವರು ಎಂದಿನ ಸ್ಫೋಟಕ ಬ್ಯಾಟಿಂಗ್‌ ಪ್ರದರ್ಶಿಸುತ್ತ 17 ಎಸೆತಗಳಿಂದ 59 ರನ್‌ ಬಾರಿಸಿದ್ದಾರೆ.
ಪಾಖೂ¤ನ್ಸ್‌ ತಂಡದ ಪರ ಆಡುತ್ತ ನಾರ್ತರ್ನ್ ವಾರಿಯರ್ ವಿರುದ್ಧದ ಪಂದ್ಯದಲ್ಲಿ ಶಾಹಿದ್‌ ಅಫ್ರಿದಿ ಈ ಪ್ರಚಂಡ ಬ್ಯಾಟಿಂಗ್‌ ಪ್ರದರ್ಶನವಿತ್ತರು. ಈ ಅಬ್ಬರದ ವೇಳೆ 7 ಸಿಕ್ಸರ್‌, 3 ಬೌಂಡರಿ ಸಿಡಿಯಿತು. ಸ್ಟ್ರೈಕ್‌ರೇಟ್‌ 347.06.
ಅಫ್ರಿದಿ ಸಿಡಿತದಿಂದಾಗಿ ಪಾಖೂ¤ನ್ಸ್‌ 5 ವಿಕೆಟಿಗೆ 135 ರನ್‌ ಪೇರಿಸಿತು.
ನಾರ್ತರ್ನ್ ವಾರಿಯರ್ ಈ ಮೊತ್ತವನ್ನು ಬೆನ್ನಟ್ಟಿಕೊಂಡು ಬಂದರೂ ಅಂತಿಮವಾಗಿ 13 ರನ್‌ ಸೋಲು ಕಾಣಬೇಕಾಯಿತು. ರೋವ್‌ಮನ್‌ ಪೊವೆಲ್‌ 35 ಎಸೆತಗಳಿಂದ 80 ರನ್‌ ಬಾರಿಸಿದ್ದು ವ್ಯರ್ಥವಾಯಿತು. ಅಫ್ರಿದಿ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.
ಇದಕ್ಕೂ ಮುನ್ನ ಇದೇ ಕೂಟದಲ್ಲಿ ಅಫ್ಘಾನಿಸ್ಥಾನದ ಮೊಹಮ್ಮದ್‌ ಶಾಜಾದ್‌ 16 ಎಸೆತಗಳಿಂದ 74 ರನ್‌ ಬಾರಿಸಿ ಸುದ್ದಿಯಾಗಿದ್ದರು.
