ಬೆಂಗಳೂರು: ಒಂದು ಕ್ಷಣವೂ ವಿಳಂಬ ಬೇಡ. ಶುಭ ಮುಹೂರ್ತಕ್ಕೆ ಕಾಯಬೇಡಿ. ಯಾವುದೇ ದಾಖಲೆ, ವೀಡಿಯೋ ಇದ್ದರೂ ತತ್‌ಕ್ಷಣ ಬಿಡುಗಡೆ ಮಾಡಿ ಎಂದು ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ಅವರಿಗೆ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ. ವಿಜಯೇಂದ್ರ ಸವಾಲು ಹಾಕಿದ್ದಾರೆ.
ತಮ್ಮ ವಿರುದ್ಧ ವೀಡಿಯೋ ಬಿಡುಗಡೆ ಬಾಂಬ್‌ ಸಿಡಿಸಿದ ಯತ್ನಾಳ್ ಮಾತಿಗೆ ರವಿವಾರ ಬೆಂಗಳೂರಿನಲ್ಲಿ ಪ್ರತಿಕ್ರಿಯಿಸಿದ ವಿಜಯೇಂದ್ರ, ಹೊಂದಾಣಿಕೆ ರಾಜಕಾರಣದ ಆವಶ್ಯಕತೆ ನನಗಿಲ್ಲ. ಅದೇನು ದಾಖಲೆ ಇದೆಯೋ ಬಿಡುಗಡೆ ಮಾಡಲಿ ಎಂದರು.
ನನಗೆ ನನ್ನ ಗುರಿಯ ಬಗ್ಗೆ ಸ್ಪಷ್ಟತೆ ಇದೆ. ಪಕ್ಷದ ಎಲ್ಲ ಕಾರ್ಯಕರ್ತರನ್ನೂ ಒಗ್ಗೂಡಿಸಿಕೊಂಡು ಪಕ್ಷ ಸಂಘಟಿಸುವ ಗುರಿ ನನ್ನ ಮುಂದಿದೆ. ಹೀಗಿರುವಾಗ ಹೊಂದಾಣಿಕೆ ಏಕೆ? ಆದರೂ ಬಿಎಸ್‌ವೈ ಹಾಗೂ ನನ್ನ ವಿರುದ್ಧ ಆರೋಪಗಳನ್ನು ಮಾಡಲಾಗುತ್ತಿದೆ. ಸಂಘಟನೆಗೆ ಹೊಡೆತ ನೀಡಲಾ ಗುತ್ತಿದೆ. ಇದು ಸರಿಯಲ್ಲ ಎಂದು ಪ್ರತಿಕ್ರಿಯಿಸಿದರು.
ಡಿ. 9ರ ವರೆಗೆ ಕಾಯಲು ನಿರ್ಧಾರ?
ಬೆಂಗಳೂರು: ಬಿಜೆಪಿ ರಾಜ್ಯಾಧ್ಯಕ್ಷ ವಿಜಯೇಂದ್ರ ಗುಂಪಿನ ನಾಯಕರು ರವಿವಾರ ಸಭೆ ನಡೆಸಿದ್ದು, ಯತ್ನಾಳ್ ತಂಡದ ವಿರುದ್ಧ ವರಿಷ್ಠರು ಯಾವ ನಿರ್ಣಯ ಕೈಗೊಳ್ಳಲಿದ್ದಾರೆ ಎಂಬ ಕುರಿತು ಡಿ. 9ರ ವರೆಗೆ ಕಾದು ನೋಡಲು ನಿರ್ಧರಿಸಿ ದ್ದಾರೆ. ಬಳಿಕ ಡಿ. 10ರಂದು ದಾವಣಗೆರೆಯಲ್ಲಿ ಮತ್ತೂಂದು ಸಭೆ ನಡೆಸಲು ಸಜ್ಜಾಗಿದ್ದಾರೆ.
