ಹೂವಿನ ಹಡಗಲಿ ಸಬ್‌ರಿಜಿಸ್ಟ್ರಾರ್‌ ಮನೆ ಸೇರಿ 6 ಕಡೆ ಎಸಿಬಿ ದಾಳಿ 

ಬಳ್ಳಾರಿ: ಹೂವಿನ ಹಡಗಲಿ ಸಬ್‌ರಿಜಿಸ್ಟ್ರಾರ್‌ ಕೆ .ಮರಿಗಾದಿ ಅವರ ಗೋರಿ ಪಾಳ್ಯದ ನಿವಾಸದ ಮೇಲೆ ಗುರುವಾರ ಬೆಳಗ್ಗೆ ಎಸಿಬಿ ಅಧಿಕಾರಿಗಳು ದಾಳಿ ನಡೆಸಿದ್ದು ದಾಖಲೆಗಳ ಪರಿಶೀಲನೆ ನಡೆಸಲಾಗುತ್ತಿದೆ. 

ಮರಿಗಾದಿ ನಿವಾಸ ಸೇರಿದಂತೆ ಸಂಬಂಧಿಕರ ಮನೆಗಳು ಸೇರಿ 6 ಕಡೆಗಳಲ್ಲಿ ದಾಖಲೆಗಳ ಪರಿಶೀಲನೆ ನಡೆಸಲಾಗುತ್ತಿರುವ ಬಗ್ಗೆ ವರದಿಯಾಗಿದೆ.

ಎಸಿಬಿ ಎಸ್‌ಪಿ ಅನಿದಾ ಹದ್ದಣ್ಣನವರ್‌ ಅವರ ನೇತೃತ್ವದಲ್ಲಿ ದಾಳಿ ನಡೆಸಲಾಗಿದೆ ಎಂದು ವರದಿಯಾಗಿದೆ.

ಹೆಚ್ಚಿನ ವಿವರ ನಿರೀಕ್ಷಿಸಲಾಗುತ್ತಿದೆ.