Theft Case; ಬಸ್ರೂರು: ಮನೆಯ ಸೊತ್ತುಗಳು ಕಳವು

ಕುಂದಾಪುರ: ತಮ್ಮ ತಾಯಿಯ ಮನೆಯನ್ನು 3 ತಿಂಗಳ ಹಿಂದೆ ಆವರ್ಸೆಯ ಸಂತೋಷ ಅವರಿಗೆ ಬಾಡಿಗೆಗೆ ನೀಡಿದ್ದು, ಡಿ. 5ರಂದು ಅಲ್ಲಿಗೆ ತೆರಳಿ ನೋಡಿದಾಗ ಮನೆಯಲ್ಲಿದ್ದ ಸುಮಾರು 1.04 ಲಕ್ಷ ರೂ. ಮೌಲ್ಯದ ಸಾಮಗ್ರಿಗಳನ್ನು ಸಂತೋಷ್‌ ಕಳವು ಮಾಡಿರುವುದಾಗಿ ಬಸ್ರೂರು ಗ್ರಾಮದ ರವಿ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ.

ಸಂತೋಷ್‌ ಕಳೆದ 2 ತಿಂಗಳಿಂದ ಬಾಡಿಗೆ ಹಣ ಕೊಡದಿದ್ದು, ಆ ಸಲುವಾಗಿ ಡಿ. 2ರಂದು ಮನೆ ಬಳಿ ತೆರಳಿದ್ದಾಗ ಬಾಗಿಲು ಹಾಕಿತ್ತು. ಮತ್ತೆ ಡಿ. 5ರಂದು ರವಿ, ಅವರ ಬಾವ ಹಾಗೂ ಸ್ನೇಹಿತ ರಘು ಜತೆ ತೆರಳಿ ನೋಡಿದಾಗ ಮನೆಯಲ್ಲಿದ್ದ ಸೊತ್ತುಗಳು ಕಳವಾಗಿರುವುದು ಬೆಳಕಿಗೆ ಬಂದಿತ್ತು. ಕುಂದಾಪುರ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.