ನವದೆಹಲಿ: ಭಾರತದ ಪ್ರಸಿದ್ಧ ಉದ್ಯಮಿ ರತ ನ್‌ ಟಾಟಾ ಅವರ ಆತ್ಮಕಥೆ ಸದ್ಯದಲ್ಲೇ ಮಾರುಕಟ್ಟೆಗೆ ಬರಲಿದೆ.
ನಿವೃತ್ತ ಐಎಎಸ್‌ ಅಧಿಕಾರಿ ಥಾಮಸ್‌ ಮ್ಯಾಥ್ಯೂ ಅವರು ಪುಸ್ತಕ ಬರೆಯಲಿದ್ದು, ಹಾರ್ಪರ್‌ ಕೊಲಿನ್ಸ್‌ ಸಂಸ್ಥೆ ಅದನ್ನು ಪ್ರಕಟಿಸಲಿದೆ. ಹಾರ್ಪರ್‌ ಕೊಲಿನ್ಸ್‌ ಸಂಸ್ಥೆ ಬರೋಬ್ಬರಿ 2 ಕೋಟಿ ರೂ.ಗೆ ಪುಸ್ತಕದ ಜಾಗತಿಕ ಹಕ್ಕನ್ನು ಖರೀದಿಸಿದೆ.
ವೀಮಗಡ್‌ ವಂಡರ್ನಂತಹ ಪ್ರಸಿದ್ಧ ಪುಸ್ತಕಗಳನ್ನು ಬರೆದಿರುವ ಥಾಮಸ್‌ ಅವರಿಗೆ ತಮ್ಮ ಆತ್ಮಕಥೆ ಬರೆಯುವುದಕ್ಕೆ ರತನ್‌ ಟಾಟಾ ಅವರು ಈ ಹಿಂದೆಯೇ ಅನುಮತಿ ಕೊಟ್ಟಿದ್ದರು. ಅದರಂತೆ ಟಾಟಾ ಅವರ ಬಾಲ್ಯದ ಬದುಕು, ಯೌವನ, ಉದ್ಯಮಕ್ಕೆ ಸೇರಿದಂತೆ ಅನೇಕ ದಾಖಲೆಗಳನ್ನು, ಫೋಟೋಗಳನ್ನು ಥಾಮಸ್‌ ಪರಿಶೀಲಿಸಿದ್ದು, ಕಥೆ ಬರೆಯುವುದಕ್ಕೆ ಸಿದ್ಧತೆ ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ:ಕುಷ್ಟಗಿ ನಿಡಶೇಸಿ ಕೆರೆಗೆ ಚಳಿಗಾಲದ ಅತಿಥಿ : ಪಟ್ಟೆ ತಲೆಯ ಹೆಬ್ಬಾತುಗಳ ಆಗಮನ
ಮೊದಲಿಗೆ ಪುಸ್ತಕದ ಕಾಪಿರೈಟ್‌ನ ಮುಂಗಡ ಹಣವನ್ನು ಮಾತ್ರ ಥಾಮಸ್‌ ಹಾರ್ಪರ್‌ ಕೊಲಿನ್ಸ್‌ ಸಂಸ್ಥೆಯಿಂದ ಪಡೆಯಲಿದ್ದಾರೆ. ಪುಸ್ತಕ ಮಾರಾಟವಾದ ನಂತರ ಶೇಕಡಾವಾರು ಲೆಕ್ಕದಲ್ಲಿ ಲಾಭಾಂಶ ಪಡೆದುಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ.
