ಜಮ್ಮು ಕಾಶ್ಮೀರದಲ್ಲಿ ಟೆಂಪೋ ಕಮರಿಗೆ ಉರುಳಿ ಬಿದ್ದು 9 ಸಾವು

ಜಮ್ಮು : ಜಮ್ಮು ಕಾಶ್ಮೀರದ ರಿಯಾಸಿ ಜಿಲ್ಲೆಯಯಲ್ಲಿ ಟೆಂಪೋ ಒಂದು ಇನ್ನೂರು ಅಡಿ ಆಳದ ಕಮರಿಗೆ ಉರುಳಿ ಬಿದ್ದು ಸಂಭವಿಸಿದ ಭೀಕರ ಅಪಘಾತದಲ್ಲಿ 9 ಮಂದಿ ಮೃತಪಟ್ಟು ಇತರ ಆರು ಮಂದಿ ಗಾಯಗೊಂಡಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. 

ಜಿಲ್ಲೆಯ ಮಾಹೋರ್‌ ಪಟ್ಟಿಯಲ್ಲಿನ ಶೇಷಿ ನಲ್ಲಾದಲ್ಲಿ ನತದೃಷ್ಟ ಟೆಂಪೋ ಇಂದು ನಸುಕಿನ ವೇಳೆ ಆಳವಾದ ಕಮರಿಗೆ ಉರುಳಿ ಬಿತ್ತು ಎಂದು ರಿಯಾಸಿಯ ಹಿರಿಯ ಪೊಲೀಸ್‌ ಸುಪರಿಂಟೆಂಡೆಂಟ್‌ ತಾಹಿ ಸಾಜದ್‌ಭಟ್‌ ತಿಳಿಸಿದ್ದಾರೆ. 

ಗಾಯಳುಗಳನ್ನು ಆಸ್ಪತ್ರೆಗೆ ಸಾಗಿಸಲಾಗಿದೆ. ಮೃತಪಟ್ಟವರ ದೇಹಗಳನ್ನು ಮೇಲಕ್ಕೆತ್ತುವ ಕೆಲಸ ಈಗ ನಡೆಯುತ್ತಿದೆ ಎಂದವರು ಹೇಳಿದ್ದಾರೆ.