ಇಬ್ಬರು ಧಾರ್ಮಿಕ ನಾಯಕರ ಸಹಿತ ಮೂವರ ಕೊಲೆ: ಇಬ್ಬರು ಆರೋಪಿಗಳ ಸೆರೆ

ಚಂಡೀಗಢ : ಇಬ್ಬರು ಧಾರ್ಮಿಕ ನಾಯಕರ ಸಹಿತ ಮೂವರನ್ನು ಕೊಲೆಗೈದ ಆರೋಪದ ಮೇಲೆ ಪೊಲೀಸರು ಇಬ್ಬರನ್ನು ಬಂಧಿಸಿದ್ದಾರೆ. 

ಬಂಧಿತ ಕೊಲೆ ಆರೋಪಿಗಳನ್ನು ಅಶೋಕ್‌ ಕುಮಾರ್‌ ವೋರಾ ಅಲಿಯಾಸ್‌ ಆಮ್ನಾ ಸೇಟ್‌ ಮತ್ತು ಲವ್‌ಪ್ರೀತ್‌ ಸಿಂಗ್‌ ಅಲಿಯಾಸ್‌ ಲವ್‌ಲೀ ಎಂದು ಗುರುತಿಸಲಾಗಿದೆ. 

ಈ ಇಬ್ಬರು ಕೊಲೆ ಆರೋಪಿಗಳ ಬಂಧನದೊಂದಿಗೆ ದೀರ್ಘ‌ ಕಾಲದಿಂದ ತನಿಖಾ ಹಂತದಲ್ಲೇ ಉಳಿದಿದ್ದ ಇಬ್ಬರು ಧಾರ್ಮಿಕ ನಾಯಕರಾದ ಪಾರಸ್‌ ಮಣಿ ಮತ್ತು ಬಾಬಾ ಲಖಾ ಸಿಂಗ್‌ ಮತ್ತು ಡೇರಾ ಸಚ್ಚಾ ಸೌಧಾ ಅನುಯಾಯಿ ಗುರುದೇವ್‌ ಸಿಂಗ್‌ ಅವರ ಕೊಲೆ ರಹಸ್ಯವನ್ನು ಪೊಲೀಸರು ಭೇದಿಸಿದಂತಾಗಿದೆ. 

ಕೊಲೆ ಆರೋಪಿಗಳಿಬ್ಬರನ್ನು ಪಂಜಾಬ್‌ ಪೊಲೀಸ್‌ ಪ್ರತಿ-ಗುಪ್ತಚರ ತಂಡದವರು ಸೋಧಿ ನಗರದಲ್ಲಿನ ಪೊಲೀಸ್‌ ಚೌಕದ ಸಮೀಪ ಬೆನ್ನಟ್ಟಿ ಬಂಧಿಸಿದ್ದರು.