ಹಿಂದೂ ಉಗ್ರವಾದ ಇಲ್ಲ ಎನ್ನಲಾಗದು : ಕಮಲ್‌ ಹಾಸನ್‌ 

ಚೆನ್ನೈ: ರಾಜಕೀಯ ಪ್ರವೇಶಿಸಲು ಸಿದ್ದತೆ ನಡೆಸುತ್ತಿರುವ ಮೇರು ನಟ ಕಮಲಹಾಸನ್‌ ಅವರು  ‘ಹಿಂದೂ ಉಗ್ರವಾದವನ್ನು ತಳ್ಳಿ ಹಾಕುವಂತಿಲ್ಲ’ ಎಂದು ಇನ್ನೊಂದು ವಿವಾದ ಸೃಷ್ಟಿಸಿದ್ದಾರೆ. 

ತಮಿಳು ವಾರಪತ್ರಿಕೆ ಆನಂದ ವಿಕಟನ್‌ನನಲ್ಲಿ ತಮ್ಮ ಸರಣಿ  ಅಂಕಣದಲ್ಲಿ ಈ ಬಗ್ಗೆ ಬರೆದಿದ್ದು, ‘ಹಿಂದೂ ಉಗ್ರವಾದ ಇಲ್ಲ ಎಂದು ನೀವು ಹೇಳಲಾಗದು. ಹಿಂದೂ ಉಗ್ರವಾದ ಅಸ್ಥಿತ್ವದಲ್ಲಿತ್ತು, ಅವರು ಈಗ ಹಿಂಸಾಚಾರಗಳಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ’ ಎಂದಿದ್ದಾರೆ. 

‘ಜನರು ಈಗ ”ಸತ್ಯ ಮೇವ ಜಯತೆ”ಯಲ್ಲಿ ವಿಶ್ವಾಸ ಕಳೆದುಕೊಂಡಿದ್ದಾರೆ. ಸತ್ಯಕ್ಕೆ ಬೆಲೆ ಇಲ್ಲವಾಗಿದ್ದು, ಶಕ್ತಿ ಮಾತ್ರ ಜಯಗಳಿಸುತ್ತಿದೆ’ ಎಂದಿದ್ದಾರೆ. 

ಬಿಜೆಪಿಯಿಂದ ಅಂತರ ಕಾಯ್ದುಕೊಳ್ಳುವುದಕ್ಕಾಗಿ ಕಮಲಹಾಸನ್‌ ಈ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ ಎನ್ನಲಾಗಿದೆ.