ಶರ್ಟ್‌ಲೆಸ್‌ ಫೈಟ್‌ಗಾಗಿ ಯಶ್‌ ವರ್ಕೌಟ್‌!

ನಟ‌ ರಾಕಿಂಗ್‌ ಸ್ಟಾರ್‌ ಯಶ್‌ ಜಿಮ್‌ನಲ್ಲಿ ವರ್ಕೌಟ್ ಮಾಡುತ್ತಿರುವ ವಿಚಾರ ನಿಮಗೆ ಗೊತ್ತೇ ಇದೆ. ಈ ಹಿಂದಿಗಿಂತಲೂ ಸ್ವಲ್ಪ ಹೆಚ್ಚೇ ವರ್ಕೌಟ್‌ ಮಾಡಿ, ದೇಹ ದಂಡಿಸುತ್ತಿದ್ದಾರೆ.

ಸಹಜವಾಗಿ ಒಬ್ಬ ಸ್ಟಾರ್‌ ನಟ ತಮ್ಮ ಸಿನಿಮಾಕ್ಕಾಗಿ ವರ್ಕೌಟ್ ಫಿಟ್‌ ಆಗಿರುತ್ತಾರೆ. ಆದರೆ, ಯಶ್‌ ವರ್ಕೌಟ್‌ ಹಿಂದಿನ ಸೀಕ್ರೇಟ್‌ ಬೇರೆಯೇ ಇದೆ.ಅದು ಶರ್ಟ್‌ಲೆಸ್‌ ಫೈಟ್‌.  ಗಾಂಧಿ ನಗರದ ಮೂಲಗಳ ಪ್ರಕಾರಯಶ್‌ “ಕೆಜಿಎಫ್-2 ನಲ್ಲಿ ಬರುವ ಶೆರ್ಟ್ ಲೆಸ್ ಫೈಟ್ ಗಾಗಿ ಸಿದ್ಧತೆ ನಡೆಸುತ್ತಿದ್ದಾರೆ.

ಚಿತ್ರದಲ್ಲಿ ಹೀಗೊಂದು ಹೈವೋಲ್ಟೇಜ್ಫೈಟ್ ಇದ್ದು ಇದಕ್ಕಾಗಿ ಯಶ್ ಜಿಮ್ ನಲ್ಲಿ ಭರ್ಜರಿ ವರ್ಕೌಟ್ ಮಾಡುತ್ತಿದ್ದಾರೆ ಎನ್ನಲಾಗಿದೆ.ಚಿತ್ರದಲ್ಲಿ ಸಂಜಯ್ ದತ್ ಅಧೀರ ಪಾತ್ರ ಮಾಡುತ್ತಿದ್ದು. ಈಗಾಗಲೇ ಅವರ ಭಾಗದ ಚಿತ್ರೀಕರಣವಾಗಿದೆ. ಇನ್ನೊಂದಿಷ್ಟು ಚಿತ್ರೀಕರಣ ಬಾಕಿ ಇದೆ. ಈ ಚಿತ್ರದಲಿ  ಸಂಜಯ್ ದತ್ ಹಾಗೂ ಯಶ್ ಫೈಟ್ ಇದ್ದು ಇದರಲ್ಲಿ ಯಶ್ ಶೆರ್ಟ್ ಲೆಸ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ.ಅದಕ್ಕಾಗಿ ದೇಹವನ್ನು ಕಟ್ಟುಮಸ್ತಾಗಿರಿಸಲು ಯಶ್ ವರ್ಕೌಟ್ ಮಾಡುತ್ತಿದ್ದಾರೆ.ಪ್ರಶಾಂತ್‌ ನೀಲ್‌ ನಿರ್ದೇಶನದ ಈ ಚಿತ್ರವನ್ನು ಹೊಂಬಾಳೆ ಫಿಲಂಸ್ ಅಡಿ ವಿಜಯ್ ಕಿರಗಂದೂರು ನಿರ್ಮಿಸುತ್ತಿದ್ದಾರೆ.