ಯಾದಗಿರಿ: Amit Shah ರೋಡ್ ಶೋನಲ್ಲಿ ಬ್ಯಾನರ್ ಭರಾಟೆ

ಯಾದಗಿರಿ: ಮಂಗಳವಾರ (ಎ.25) ಸಂಜೆ ನಡೆಯಲಿರುವ ಅಮಿತ್ ಶಾ ರೋಡ್ ಶೋ ಯಾದಗಿರಿ ನಗರದಲ್ಲಿ ನಡೆಯಲಿರುವುದರಿಂದ ನಗರದೆಲ್ಲಡೆ ಸ್ವಾಗತ ಕೋರುವ ಬ್ಯಾನರ್ ಬಂಟಿಂಗ್‌ಗಳ ಭರಾಟೆ ಹೆಚ್ಚಿದೆ.

ನಗರದ ಪ್ರಮುಖ ವೃತ್ತಗಳಲ್ಲಿ ಬಿಜೆಪಿ ಅಭ್ಯರ್ಥಿ ವೆಂಕಟರೆಡ್ಡಿ ಮುದ್ನಾಳ ಹಾಗೂ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಭಾವಚಿತ್ರವುಳ್ಳ ನೂರಾರು ಬ್ಯಾನರ್ ಮತ್ತು ಕಟೌಟ್‌ಗಳು ನಗರದಲ್ಲಿ ರಾರಾಜಿಸುತ್ತಿರುವುದರಿಂದ ಭರ್ಜರಿ ರೋಡ್ ಶೋಗೆ ಬಿಜೆಪಿ ತಯಾರಿ ನಡೆಸುತ್ತಿದೆ.

ಯಾದಗಿರಿ ನಗರದ ಪದವಿ ಮಹಾವಿದ್ಯಾಲಯದಿಂದ ಶಾಸ್ತ್ರಿ ವೃತ್ತದ ವರೆಗೆ ನಡೆಯಲಿರುವ ರೋಡ್ ಶೋ ನಿಮಿತ್ತ ರಸ್ತೆಯ ಎರಡು ಬದಿಯ ಇಕ್ಕೆಲಗಳಲ್ಲಿ ಬೊಂಬಿನ ಕಟ್ಟಿಗೆಯಿಂದ ಬ್ಯಾರಿಕೇಡ್ ನಿರ್ಮಿಸಲಾಗಿದ್ದು, ಭದ್ರತಾ ಪಡೆಗಳಿಂದ ರಸ್ತೆಯ ಇಕ್ಕೆಲಗಳಲ್ಲಿ ಭಾರಿ ಭದ್ರತೆ ಕಲ್ಪಿಸಲಾಗಿದೆ.