ಹೊಸ ಮದ್ಯಕ್ಕೆ ನಿಗಮ ಕಚೇರಿಯಲ್ಲಿಯೇ ಪೂಜೆ!

ಕೊಪ್ಪಳ: ಸರ್ಕಾರಿ ಸ್ವಾಮ್ಯದ ಪಾನೀಯ ನಿಗಮಕ್ಕೆ ಪೂರೈಸಿದ ಹೊಸ ಮದ್ಯಕ್ಕೆ ನಿಗಮದ ಸಿಬ್ಬಂದಿ ಹೂವಿನ ಹಾರ ಹಾಕಿ ಪೂಜೆ ಸಲ್ಲಿಸಿ ಮಂಗಳಾರತಿ ಮಾಡಿದ ವಿಡಿಯೋವೊಂದು ಜಿಲ್ಲೆಯಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಪಾನೀಯ ನಿಗಮಕ್ಕೆ “ಮ್ಯಾಕ್‌ಡೋಲ್‌ ನೋ ಒನ್‌ ಪ್ಲಾಟಿನಂ’ ಎನ್ನುವ ಕ್ಲಾಸಿಕ್‌ ವಿಸ್ಕಿ ಪೂರೈಸಲಾಗಿದೆ.

ಈ ಮದ್ಯಕ್ಕೆ ನಿಗಮದ ಸಿಬ್ಬಂದಿ ಪೂಜೆ ಸಲ್ಲಿಸಿದ್ದು ಅಚ್ಚರಿಗೆ ಕಾರಣವಾಗಿದೆ. ಸರ್ಕಾರಿ ಕಚೇರಿಯಲ್ಲೂ ಮದ್ಯಕ್ಕೆ ಪೂಜೆ ಸಲ್ಲಿಸುತ್ತಿರುವುದು ಎಲ್ಲರ ಗಮನ ಸೆಳೆದಿದೆ. “ಹೌದು ಹುಲಿಯಾ’ ಎಂದು ಕಾರ್ಮಿಕ ಸಿಬ್ಬಂದಿ ಪೂಜೆ ಸಲ್ಲಿಸುವ ವೇಳೆ ಜೋರಾಗಿ ಕೂಗಿದ್ದು, ವೀಡಿಯೋಗೆ ಮತ್ತಷ್ಟು ರಂಗು ತಂದು ಕೊಟ್ಟಿದೆ.