ಕೋವಿಡ್ ವೈರಸ್ ನಿರ್ಮೂಲನೆಗೆ ‘ಪೋಲಿಯೋ ‘ತಂತ್ರ: ಭಾರತದ ನೀತಿಗೆ WHO ಸ್ವಾಗತ

ಜಿನೇವಾ: ಕೋವಿಡ್ ವೈರಸ್ ನಿರ್ಮೂಲನೆಗೆ ಜಂಟಿ ಹೋರಾಟಕ್ಕೆ ಮುಂದಾಗಿರುವ ಭಾರತದ ನೀತಿಯನ್ನು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯೂ.ಎಚ್‌.ಒ.) ಸ್ವಾಗತಿಸಿದೆ.

ಈ ಹಿಂದೆ ಕೂಡ ಭಾರತದಲ್ಲಿ ಪೋಲೀಯೋ ನಿರ್ಮೂಲನೆ ಆಗಲು ಡಬ್ಲ್ಯುಎಚ್‌ಒ ಘಟಕದ ಜತೆಗಿನ ಜಂಟಿ ಹೆಜ್ಜೆಗಳೇ ನೆರವಿಗೆ ಬಂದಿದ್ದವು ಎಂದು ಸಂಸ್ಥೆ ಮುಖ್ಯಸ್ಥ ಟೆಡ್ರಾಸ್‌ ಅಧಾನೊಮ್‌ ಗೆಬ್ರೆಯೆಸುಸ್‌ ಸ್ಮರಿಸಿದ್ದಾರೆ.

‘ಭಾರತದಲ್ಲಿ ಪೋಲಿಯೋ ನಿರ್ಮೂಲನೆಗೆ ಅನುಸರಿಸಿದ ಕಟ್ಟುನಿಟ್ಟಿನ ಕಾರ್ಯತಂತ್ರಗಳನ್ನೇ ಈ ಕೋವಿಡ್ ಯುದ್ಧದಲ್ಲೂ ಅನುಸರಿಸಲಾಗುವುದು. ರಾಷ್ಟ್ರೀಯ ಪೊಲಿಯೊ ಕಣ್ಗಾವಲು ಜಾಲದ ಸಿಬಂದಿ ಇದಕ್ಕೆ ಸ್ಪಂದಿಸಲಿದ್ದಾರೆ’ ಎಂದು ಟೆಡ್ರಾಸ್‌ ಹೇಳಿದ್ದಾರೆ.

ಭಾರತ, ಪೊಲಿಯೊಗೂ ಮುನ್ನ ಸಿಡುಬನ್ನು ನಿರ್ಮೂಲನೆ ಮಾಡಿದ್ದು ಕೂಡ, ಇದೇ ಡಬ್ಲ್ಯುಎಚ್‌ಒ ಜತೆಗೆ ಸೇರಿಯೇ ಎಂಬುದೂ ಇಲ್ಲಿ ಗಮನಾರ್ಹ.