ವಿಶ್ವಕಪ್ ವಿಜೇತರಿಗೆ ಸಿಗಲಿದೆ 28 ಕೋಟಿ ಬಹುಮಾನ

ದುಬೈ: ಕ್ರಿಕೆಟ್ ಈಗ ಕೇವಲ ಮರಂಜನೆಯ ಕ್ರೀಡಾ ಕೂಟವಾಗಿ ಉಳಿದಿಲ್ಲ. ಈ ಆಟದಲ್ಲಿ ಹಣವೂ ಈಗ ಪ್ರಮುಖ ಪಾತ್ರವಹಿಸುತ್ತಿದೆ. ಇನ್ನು ಕೆಲವೇ ದಿನಗಳಲ್ಲಿ ಆರಂಭವಾಗಲಿರುವ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಬಹುಮಾನ ಮೊತ್ತ ಪ್ರಕಟ ಮಾಡಿದ್ದು,ಟ್ರೋಫಿ ಎತ್ತುವ ತಂಡಕ್ಕೆ  28 ಕೋಟಿ ( 4 ಮಿಲಿಯನ್ ಅಮೆರಿಕನ್ ಡಾಲರ್) ನಗದು ಬಹುಮಾನ ಪಡೆಯಲಿದೆ.

ಐಸಿಸಿ ಶುಕ್ರವಾರ ವಿಶ್ವಕಪ್ ಬಹುಮಾನ ಪಟ್ಟಿ ಬಿಡುಗಡೆ ಮಾಡಿದ್ದು, ದ್ವಿತೀಯ ಸ್ಥಾನ ಪಡೆವ ತಂಡ ಎರಡು ಮಿಲಿಯನ್ ಅಮೇರಿಕನ್ ಡಾಲರ್ ಬಹುಮಾನ ತಮ್ಮದಾಗಿಸಿಕೊಳ್ಳಲಿದೆ. ಸೆಮಿ ಫೈನಲ್ ತಲುಪಿದ ಮತ್ತೆರಡು ತಂಡಗಳು ತಲಾ ಎಂಟು ಲಕ್ಷ ಅಮೆರಿಕನ್ ಡಾಲರ್ ಬಹುಮಾನ ಪಡೆಯಲಿದೆ.
2015ರ ವಿಶ್ವಕಪ್ ಗೆ ಹೋಲಿಸಿದರೆ ವಿಜೇತ ತಂಡದ ಬಹುಮಾನ ಮೊತ್ತದಲ್ಲಿ ಹೆಚ್ಚಳವಾಗಿದೆ. 2015ರಲ್ಲಿ ವಿಶ್ವ ವಿಜೇತವಾಗಿದ್ದ ಆಸ್ಟ್ರೇಲಿಯಾ ತಂಡ 3.75 ಅಮೆರಿಕನ್ ಡಾಲರ್ ಬಹುಮಾನ ಪಡೆದಿತ್ತು.

ಮೊದಲ ವಿಶ್ವಕಪ್ ಬಹುಮಾನ ಮೊತ್ತ 4 ಸಾವಿರ ಪೌಂಡ್
1975ರಲ್ಲಿ ಇಂಗ್ಲೆಂಡ್ ನಲ್ಲೇ ನಡೆದಿದ್ದ ಮೊದಲ ವಿಶ್ವಕಪ್ ಕೂಟದಲ್ಲಿ ವೆಸ್ಟ್ ಇಂಡೀಸ್ ತಂಡ ವಿಜೇತವಾಗಿತ್ತು. ಆ ಕೂಟದಲ್ಲಿ ವೆಸ್ಟ್ ಇಂಡೀಸ್ ಗೆದ್ದ ಮೊತ್ತ ಕೇವಲ 4 ಸಾವಿರ ಪೌಂಡ್. ( 3 ಲಕ್ಷ 58 ಸಾವಿರ ರೂಪಾಯಿ).