ಸ್ಪೇನ್‌ಗೆ ಗೆಲುವು ನಿರಾಕರಿಸಿದ ಕಿವೀಸ್‌

ಭುವನೇಶ್ವರ್‌: ಬಲಿಷ್ಠ ಸ್ಪೇನ್‌ ವಿರುದ್ಧ ಸೋಲುವ ಹಾದಿಯಲ್ಲಿದ್ದ ನ್ಯೂಜಿಲ್ಯಾಂಡ್‌, ಕೊನೆಯ ಅವಧಿಯಲ್ಲಿ ಬೆನ್ನು ಬೆನ್ನಿಗೆ 2 ಗೋಲು ಬಾರಿಸಿ ಗುರುವಾರದ ವಿಶ್ವಕಪ್‌ ಹಾಕಿ ಪಂದ್ಯಕ್ಕೆ ಡ್ರಾ ಮುದ್ರೆ ಒತ್ತುವಲ್ಲಿ ಯಶಸ್ವಿಯಾಗಿದೆ.

9ನೇ ನಿಮಿಷದಲ್ಲೇ ಆಲ್ಬರ್ಟ್‌ ಬೆಲ್‌ಟ್ರಾನ್‌ ಅವರಿಂದ ಗೋಲು ಖಾತೆ ತೆರೆದ ಸ್ಪೇನ್‌ ಆಕ್ರಮಣ ಆಟಕ್ಕೆ ಮುಂದಾಯಿತು. 27ನೇ ನಿಮಿಷದಲ್ಲಿ ಅಲ್ವಾರೊ ಇಗ್ಲೆàಸಿಯಾಸ್‌ 2ನೇ ಗೋಲು ಸಿಡಿಸಿದರು. ಸ್ಪೇನ್‌ ಈ ಮುನ್ನಡೆಯನ್ನು 50ನೇ ನಿಮಿಷದ ತನಕ ಕಾಯ್ದುಕೊಂಡಾಗ ಕೂಟದ ಮೊದಲ ಗೆಲುವು ದಾಖಲಿಸುತ್ತದೆಂದೇ ಭಾವಿಸಲಾಗಿತ್ತು. ಆದರೆ ಈ ಹಂತದಲ್ಲಿ ನ್ಯೂಜಿಲ್ಯಾಂಡ್‌ ಮುನ್ನುಗ್ಗಿ ಬಂತು. ಹೇಡನ್‌ ಫಿಲಿಪ್ಸ್‌ ಗೋಲೊಂದನ್ನು ಬಾರಿಸಿ ಹಿನ್ನಡೆಯನ್ನು ತಗ್ಗಿಸಿದರು. 56ನೇ ನಿಮಿಷದಲ್ಲಿ ಕೇನ್‌ ರಸೆಲ್‌ ನಿರ್ಣಾಯಕ ಗೋಲನ್ನು ಸಿಡಿಸಿ ಪಂದ್ಯವನ್ನು ಸಮಬಲಕ್ಕೆ ತಂದರು. ಸ್ಪೇನಿಗರ ಗೆಲುವಿನ ಕನಸು ನುಚ್ಚುನೂರಾಯಿತು.