ಏಶ್ಯ ಕಪ್‌ ಮಹಿಳಾ ಹಾಕಿ ಸೆಮಿಫೈನಲ್‌: ಇಂದು ಭಾರತಕ್ಕೆ ಕೊರಿಯಾ ಸವಾಲು

ಮಸ್ಕತ್‌: ಏಶ್ಯ ಕಪ್‌ ಮಹಿಳಾ ಹಾಕಿ ಟೂರ್ನಿಯಲ್ಲಿ ಭಾರತ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟಿದ್ದು, ಬುಧವಾರ ಕೊರಿಯಾವನ್ನು ಎದುರಿಸಲಿದೆ.

ಸೋಮವಾರ ರಾತ್ರಿ ನಡೆದ “ಎ’ ಗುಂಪಿನ ಹಣಾಹಣಿಯಲ್ಲಿ ಗುರ್ಜಿತ್‌ ಕೌರ್‌ ಬಾರಿಸಿದ ಹ್ಯಾಟ್ರಿಕ್‌ ಗೋಲು, ಮೋನಿಕಾ ಮತ್ತು ಜ್ಯೋತಿ ಅವರಿಂದ ದಾಖಲಾದ ತಲಾ ಎರಡು ಗೋಲುಗಳ ನೆರವಿನಿಂದ ಭಾರತ ತಂಡ ಸಿಂಗಾಪುರ ವಿರುದ್ಧ 9-1 ಅಂತರದಿಂದ ಗೆದ್ದು ಸೆಮಿಫೈನಲ್‌ಗೆ ಪ್ರವೇಶಿಸಿತ್ತು.

ವಂದನಾ ಕಟಾರಿಯಾ ಮತ್ತು ಮರಿಯಾನಾ ಕುಜರ್‌ ಒಂದೊಂದು ಗೋಲು ಹೊಡೆದರು. ಸಿಂಗಾಪುರದ ಏಕೈಕ ಗೋಲು ಪರ 43ನೇ ನಿಮಿಷದಲ್ಲಿ ತೊಹ್‌ ಲಿನ್‌ ಮಿನ್‌ ಅವರ ಪೆನಾಲ್ಟಿ ಕಾರ್ನರ್‌ನಿಂದ ದಾಖಲಾಯಿತು.