ಮಹಿಳೆಯರ ಕೈಯಿಂದ ಪಿಚ್‌ ಕ್ಲೀನ್‌ ಮಾಡಿಸಿ ಟೀಕೆಗೆ ತುತ್ತಾದ ಬಿಸಿಸಿಐ

ನವದೆಹಲಿ: ರಾಜ್‌ಕೋಟ್‌ ಕ್ರಿಕೆಟ್‌ ಪಿಚ್‌ ಅನ್ನು ಯಂತ್ರಗಳ ಮೂಲಕ ಸ್ವತ್ಛಗೊಳಿಸುವ ಬದಲು ಮಹಿಳೆಯರ ಕೈಯಿಂದ ಸ್ವತ್ಛಗೊಳಿಸಿದ ಬಿಸಿಸಿಐ (ಭಾರತೀಯ ಕ್ರಿಕೆಟ್‌ ನಿಯಂತ್ರಣ ಮಂಡಳಿ) ಆಡಳಿತಾಧಿಕಾರಿಗಳ ವಿರುದ್ಧ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕ ಟೀಕೆ ವ್ಯಕ್ತವಾಗಿದೆ.

ರಾಜ್‌ಕೋಟ್‌ ನಲ್ಲಿ ಭಾರತ-ಆಸೀಸ್‌ ನಡುವೆ 2ನೇ ಏಕದಿನ ಪಂದ್ಯದ ವೇಳೆ ಇಂತಹದೊಂದು ಘಟನೆ ನಡೆದಿರುವುದನ್ನು ಕ್ರಿಕೆಟ್‌ ಆಸ್ಟ್ರೇಲಿಯ ಟ್ವೀಟರ್‌ನಲ್ಲಿ ಚಿತ್ರ ಸಹಿತ ಪ್ರಕಟಿಸಿದೆ. ಈ ಬೆನ್ನಲ್ಲೇ ಅಭಿಮಾನಿಗಳು ಬಿಸಿಸಿಐ ಅಧ್ಯಕ್ಷ ಸೌರವ್‌ ಗಂಗೂಲಿಯನ್ನು ಟೀಕಿಸಿದ್ದಾರೆ.

ತಿಂಗಳ ಹಿಂದೆ ಇದೇ ಕ್ರೀಡಾಂಗಣದಲ್ಲಿ ಭಾರತ-ಲಂಕಾ ನಡುವೆ ಟಿ20 ಪಂದ್ಯ ರದ್ದಾಗಿತ್ತು. ಆಗಲೂ ಕ್ರೀಡಾಂಗಣ ನಿರ್ವಹಣೆಯ ಬಗ್ಗೆ ಅಭಿಮಾನಿಗಳು ಗಂಗೂಲಿ ಟೀಕಿಸಿದ್ದನ್ನು ಸ್ಮರಿಸಬಹುದು.