ಥಾಣೆ : ರಿಕ್ಷಾ ಸಹಪ್ರಯಾಣಿಕನಿಂದ ಲೈಂಗಿಕ ಕಿರುಕುಳ; ಅರೆಸ್ಟ್‌

ಥಾಣೆ, ಮಹಾರಾಷ್ಟ್ರ : ಪ್ರಯಾಣಿಕರಿಬ್ಬರು ಹಂಚಿಕೊಂಡ ಆಟೋ ರಿಕ್ಷಾದಲ್ಲಿ ಪ್ರಯಾಣಿಸುತ್ತಿದ್ದ 19ರ ಹರೆಯದ ತರುಣಿಗೆ ಸಹ ಪ್ರಯಾಣಿಕನು ಲೈಂಗಿಕ ಕಿರುಕುಳ ನೀಡಿದ ಘಟನೆ ನಗರದಲ್ಲಿ ನಡೆದಿದೆ.

ತರುಣಿಗೆ ಲೈಂಗಿಕ ಕಿರುಕುಳ ನೀಡಿದ 29ರ ಹರೆಯದ ಆರೋಪಿ, ಸಾಗರ ದುಂಬ್ರೆ ಎಂಬಾತನನ್ನು ಪೊಲೀಸರು ಇಂದು ನಸುಕಿನ ವೇಳೆ ಬಂಧಿಸಿದರು. ಕಿರುಕುಳದ ಘಟನೆ ನಿನ್ನೆ ಮಂಗಳವಾರ ರಾತ್ರಿ ನಡೆದಿತ್ತು. 

ಕಿರುಕುಳಕ್ಕೆ ಒಳಗಾದ ತರುಣಿಯು ನೌಪಾಡಾ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದಳು. ಒಡನೆಯೇ ಕಾರ್ಯಾಚರಣೆಗಿಳಿದ ಪೊಲೀಸರು ಆರೋಪಿಯನ್ನು ಆತನ ಲಕ್ಷ್ಮೀ ನಗರದಲ್ಲಿನ ಮನೆಯಿಂದ ಬಂಧಿಸಿದರು.