Train; ಬಿದ್ದ ಪ್ರಯಾಣಿಕನ ಮೇಲೆತ್ತಲು ಹಿಮ್ಮುಖವಾಗಿ ಚಲಿಸಿತು!

ನಾಸಿಕ್‌: ಅಪರೂಪದ ಘಟನೆಯೊಂದರಲ್ಲಿ, ಚಲಿಸುತ್ತಿದ್ದ ರೈಲಿನಿಂದ ಕೆಳಗೆ ಬಿದ್ದ ಪ್ರಯಾಣಿಕನ್ನು ಮೇಲೆತ್ತಲು ಮುಂಬಯಿ-ನಾಂದೇಡ್‌ ತಪೋವನ್‌ ಎಕ್ಸ್‌ಪ್ರೆಸ್‌ ರೈಲು ಸುಮಾರು 700 ಮೀಟರ್‌ ಹಿಮ್ಮುಖವಾಗಿ ಚಲಿಸಿದ ಘಟನೆ ಮನ್ಮಾಡ್‌ ಜಂಕ್ಷನ್‌ ಬಳಿ ನಡೆದಿದೆ. ಗಾಯಾಳು ಪ್ರಯಾಣಿಕ ಬಳಿಕ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾನೆ. ಶನಿವಾರ ಎಕ್ಸ್‌ಪ್ರೆಸ್‌ ರೈಲು ಮನ್ಮಾಡ್‌ ಜಂಕ್ಷನ್‌ ಸಮೀಪಿಸುತ್ತಿದ್ದಾಗ ಈ ಘಟನೆ ನಡೆದಿದೆ. ಕೆಲವರು ರೈಲಿನ ಚೈನ್‌ ಇಳಿದು ತುರ್ತು ನಿಲ್ಲಿಸಿ, ಚಾಲಕ ಅನುಮತಿ ಪಡೆದು ಕೆಳಗೆ ಬಿದ್ದ ಗಾಯಾಳು ಪ್ರಯಾಣಿಕನ್ನು ಮೇಲೆತ್ತಲು 700 ಮೀಟರ್‌ ಹಿಂದಕ್ಕೆ ಓಡಿಸಿದ್ದಾರೆ.