ಬಂದಿದೆ “ವಾಟ್ಸ್‌ಆ್ಯಪ್‌ ಬಿಸಿನೆಸ್‌ ಆ್ಯಪ್‌’

ನವದೆಹಲಿ: ಮೆಸೇಜಿಂಗ್‌ ಆ್ಯಪ್‌ ವ್ಯಾಪಾರೋದ್ಯಮ ಕ್ಷೇತ್ರಕ್ಕೆ ಪ್ರವೇಶಿಸಲಿದೆ ಎಂಬ ವದಂತಿಗಳ ನಡುವೆಯೇ ಅದು ಈಗ ಬಳಕೆಗೆ ಲಭ್ಯವಾಗಿದೆ. 

“ವಾಟ್ಸ್‌ಆ್ಯಪ್‌ ಬಿಸಿ ನೆಸ್‌’ ಎಂಬ ಹೆಸರಿನಲ್ಲಿ ಸಣ್ಣ ಮತ್ತು ಮಧ್ಯಮ ಪ್ರಮಾಣದ ಉದ್ದಿಮೆದಾರರನ್ನು ಗುರಿಯಾಗಿರಿಸಿಕೊಂಡು ಆ್ಯಪ್‌ ಅಭಿವೃದ್ಧಿ ಮಾಡಲಾಗಿದೆ. ಆ್ಯಪ್‌ನ ಲೋಗೋ ಕೂಡ ಪುನರ್‌ ವಿನ್ಯಾಸ ಮಾಡಲಾಗಿದ್ದು, ಅದರ ಒಳಗೆ “ಬಿ’ ಎಂದು ಕಾಣು ವಂತೆ ಮಾಡಲಾಗಿದೆ. ಬಿಸಿನೆಸ್‌ ಆ್ಯಪ್‌ನಲ್ಲಿ ಕೆಲ ಹೊಸ ವಿಶೇಷತೆಗಳನ್ನು ಸೇರಿಸಿಕೊಳ್ಳಲಾಗಿದೆ. ಬಿಸಿನೆಸ್‌ ಪ್ರೊಫೈಲ್‌ ನೀಡುವಾಗ ಫೋಟೋ, ವಿಳಾಸ, ಉದ್ದಿಮೆಯ ವಿವರಣೆ, ವೆಬ್‌ಸೈಟ್‌, ಇತರ ವಿವರ ನೀಡಲು ಅವಕಾಶ ಉಂಟು. ಆ್ಯಪ್‌ನಲ್ಲಿ ಅಟೋ ರೆಸ್ಪಾನ್ಸ್‌ ವ್ಯವಸ್ಥೆ ಅಳವಡಿಸಲಾಗಿದೆ.