ಕಾಶ್ಮೀರ ಪರಿಹಾರಕ್ಕೆ ಮೂರನೆಯವರೇಕೆ?

ಶಾಂಟಿಲ್ಲಿ: “ಭಾರತ ಮತ್ತು ಪಾಕಿಸ್ತಾನವು ಕಾಶ್ಮೀರ ವಿವಾದವನ್ನು ದ್ವಿಪಕ್ಷೀಯ ಮಾತುಕತೆ ಮೂಲಕ ಬಗೆಹರಿಸಿಕೊಳ್ಳ ಬೇಕೇ ವಿನಾ, ಅದರಲ್ಲಿ ಮೂರನೆಯವರು ಮೂಗು ತೂರಿಸಲು ಬಿಡಬಾರದು.’ ಇಂಥದ್ದೊಂದು ಸಲಹೆ ನೀಡಿರುವುದು ಫಾನ್ಸ್‌ ಅಧ್ಯಕ್ಷ ಇಮ್ಯಾನುವಲ್‌ ಮ್ಯಾಕ್ರನ್‌. 3 ರಾಷ್ಟ್ರಗಳ ಪ್ರವಾಸದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ಅವರ ಫ್ರಾನ್ಸ್‌ ಭೇಟಿ ವೇಳೆ ಮ್ಯಾಕ್ರನ್‌ ಈ ಮಾತುಗಳನ್ನಾಡಿದ್ದಾರೆ.

ಸುಮಾರು 90 ನಿಮಿಷಗಳ ದೀರ್ಘ‌ ಮಾತುಕತೆ ವೇಳೆ ಕಾಶ್ಮೀರ ವಿವಾದ, 370ನೇ ವಿಧಿ ರದ್ದು ಕುರಿತು ಉಭಯ ನಾಯಕರು ಚರ್ಚಿಸಿದ್ದು, ಕಾಶ್ಮೀರ ವಿವಾ ದವು ಎರಡು ದೇಶಗಳಿಗೆ ಸಂಬಂಧಿ ಸಿದ ವಿಚಾರವಾಗಿದ್ದು, ಆ ಪ್ರದೇಶದಲ್ಲಿ ಹಿಂಸಾಚಾರಕ್ಕೆ ಪ್ರಚೋದಿ ಸಲು ಅಥವಾ ವಿವಾದದಲ್ಲಿ ಹಸ್ತಕ್ಷೇಪ ಮಾಡಲು ಯಾರೂ ಹೋಗಬಾರದು ಎಂದು ಮ್ಯಾಕ್ರನ್‌ ಅಭಿಪ್ರಾಯಪಟ್ಟಿದ್ದಾರೆ.

ಈ ಮೂಲಕ “ಸಂಧಾನ’ದ ಕುರಿತು ಪದೇ ಪದೆ ಪ್ರಸ್ತಾಪಿಸುತ್ತಿರುವ ಅಮೆರಿಕ ಅಧ್ಯಕ್ಷ ಟ್ರಂಪ್‌ಗೂ, ಪಾಕ್‌ಪ್ರಧಾನಿ ಇಮ್ರಾನ್‌ಗೂ ಮ್ಯಾಕ್ರನ್‌ ಪರೋಕ್ಷ ಸಂದೇಶ ರವಾನಿಸಿದ್ದಾರೆ. ಇದಷ್ಟೆ ಅಲ್ಲ, ಶಾಂತಿ ಕಾಪಾಡುವ ಸಂಬಂಧ ಪಾಕಿ ಸ್ತಾನ ಪ್ರಧಾನಿ ಇಮ್ರಾನ್‌ ಖಾನ್‌ ಅವರಿಗೂ ಸಲಹೆ ನೀಡುವುದಾಗಿ ಮ್ಯಾಕ್ರನ್‌ ಹೇಳಿದ್ದಾರೆ.